ହାଇଦ୍ରାବାଦ: ବଲିଉଡ୍ ଅଭିନେତା ହ୍ରିତିକ ରୋଶନ ଆଜି ତାଙ୍କର ୪8 ତମ ଜନ୍ମଦିନ ପାଳନ କରୁଛନ୍ତି । ହ୍ରିତିକ ତାଙ୍କ ପରିବାର ଓ ବନ୍ଧୁଙ୍କ ସହ ଜନ୍ମଦିନ ପାଳନ କରିଛନ୍ତି । ଏହି ଅବସରରେ ତାଙ୍କ ପୂର୍ବତନ ପତ୍ନୀ ସୁଜୈନ ଖାନ ମଧ୍ୟ ତାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଏକ ଭିଡିଓ ଶେୟାର କରି ସୁଜୈନ୍ ଏକ ସ୍ପେସାଲ ମେସେଜ୍ ମଧ୍ୟ ଦେଇଛନ୍ତି।
ଭିଡିଓ ଶେୟାର କରି ସୁଜୈନ୍ ଲେଖିଛନ୍ତି, ଶୁଭ ଜନ୍ମଦିନ । ତୁମେ ସବୁଠୁ ଭଲ ବାପା...ରେ ଏବଂ ରିଜ୍ ବହୁତ ଭାଗ୍ୟଶାଳୀ କି ତୁମେ ତାଙ୍କ ପାଖରେ ଅଛ । ତୁମର ସମସ୍ତ ସ୍ବପ୍ନ ଏବଂ ଇଚ୍ଛା ଆଜି ଏବଂ ସବୁବେଳେ ପୂରଣ ହେଉ । ଏହି ଭିଡିଓରେ ହ୍ରିତିକ ରୋଶନ ତାଙ୍କର ଦୁଇ ପୁଅ ରେହାନ (Hrehaan 13) ଏବଂ ରିଧାନ (Hridhaan 11)ଙ୍କ ଏକାଠି ନଜର ଆସିଛନ୍ତି । ଏହି ଭିଡିଓରେ ହ୍ରିତିକଙ୍କୁ ଭିନ୍ନ ଭିନ୍ନ ଅନ୍ଦାଜରେ ଦେଖିବାକୁ ମିଳିଛି ।