ମୁମ୍ବାଇ: ଦୀର୍ଘ ସମୟରୁ ଫିଲ୍ମ ଜଗତରୁ ଦୂରେଇ ଥିବା ସୁନ୍ଦରୀ ଅଭିନେତ୍ରୀ ସୁସ୍ମିତା ସେନ ଖୁବଶୀଘ୍ର ଡିଜିଟାଲ ଦୁନିଆରେ ପଦାର୍ପଣ କରିବେ । ନିକଟରେ ତାଙ୍କ ଡେବ୍ୟୁ ସିରିଜ ‘ଆର୍ଯ୍ୟା’ର ଜବରଦସ୍ତ ଟ୍ରେଲର ରିଲିଜ ହୋଇଥିଲା । ଏହି ସିରିଜରେ ସେ ଜଣେ ସାହାସି ମା' ଭୂମିକାରେ ଅଭିନୟ କରୁଥିବାର ଦେଖାଯିବେ । ଇତିମଧ୍ୟରେ ସେ ସୋସିଆଲ ମିଡିଆରେ ନିଜ କୋ-ଷ୍ଟାର ମନୀଷ ଚୌଧୁରୀଙ୍କ ଭୂମିକା ବିଷୟରେ ସମସ୍ତଙ୍କୁ ଜଣାଇଛନ୍ତି । ମନୀଷ ତାଙ୍କ ସହ ‘ଆର୍ଯ୍ୟା’ରେ ନଜର ଆସିବେ । ଯିଏ ସିରିଜରେ ସିଖାୱାତ ଭୂମିକାରେ ଦେଖାଯିବେ । ଏହାସହ ସେ ମନୀଷଙ୍କ ଅନୁଶାସନ, ଫୋକ୍ସର ପ୍ରଶଂସା ମଧ୍ୟ ଖୁବ୍ କରିଛନ୍ତି ।
ସେ ମନୀଷଙ୍କ ସହ ନିଜର ଏକ ଫଟୋ ମଙ୍ଗଳବାର ଇନଷ୍ଟାଗ୍ରାମରେ ସେୟାର କରି ତାଙ୍କ ପ୍ରଶଂସା କରିଥିଲେ । ଆଉ ଏହାର କ୍ୟାପସନରେ ଲେଖିଥିଲେ, ‘ବାସ୍ତବ ଜୀବନରେ ମନୀଷ ଜଣେ ଭଦ୍ର ବ୍ୟକ୍ତି । ଜଣେ ସମ୍ପୂର୍ଣ୍ଣ ଭଦ୍ରଲୋକ । ସବୁଠୁ କଠିନ ସିନ୍ସରେ ସେ ମୋତେ ଦେଖାଇଥିବା ଅନୁଗ୍ରହକୁ ମୁଁ ସର୍ବଦା ସମ୍ମାନ ଦେବି । ମୁଁ ତାଙ୍କ ସହ ଆହୁରି କାମ କରିବାକୁ ଅପେକ୍ଷା କରିପାରୁନାହିଁ । ତାଙ୍କଠୁ ବହୁତ କିଛି ଶିଖିବାକୁ ମିଳିଛି । ମୁଁ ଆପଣଙ୍କ ସୁଖ ଏବଂ ସଫଳତା କାମନା କରୁଛି । ଏହାଠୁ ଅଧିକ ପାଇବାର ଯୋଗ୍ୟ ତୁମେ ।’