ମୁମ୍ବାଇ: ପାଖାପାଖି ଦୁଇ ବର୍ଷରୁ ସୁନ୍ଦରୀ ଅଭିନେତ୍ରୀ ସୁସ୍ମିତା ସେନ ପପୁଲାର ମଡେଲ ରୋହମାନ ସୈଲଙ୍କ ସହ ରିଲେସନଶିପରେ ରହୁଆସୁଛନ୍ତି । ଦୁଇଜଣଙ୍କ ଲଭ ଲାଇଫକୁ ନେଇ ସବୁବେଳେ ଚର୍ଚ୍ଚା । ସୋସିଆଲ ମିଡିଆରେ ମଧ୍ୟ ଏହି ଯୋଡିଙ୍କ ପ୍ରେମ ଦେଖିବାକୁ ମିଳେ । ସେହିପରି ରୋହମାନ ମଧ୍ୟ ସୁସ୍ମିତା ଏବଂ ତାଙ୍କ ଝିଅ ରେନି ଓ ଆଲିସାଙ୍କ ସହ ସବୁ ପାରିବାରିକ କାର୍ଯ୍ୟକ୍ରମରେ ଯୋଗ ଦିଅନ୍ତି । ଇତିମଧ୍ୟରେ ଏହି ଯୋଡିଙ୍କୁ ନେଇ ପୁଣି ଚର୍ଚ୍ଚା । କାରଣ 2021କୁ ସ୍ବାଗତ କରିବା ପାଇଁ ପ୍ରସ୍ତୁତି ହୋଇସାରିଲେଣି ।
ଏଥର ଦୁବାଇରେ ସୁସ୍ମିତା-ରୋହମାନଙ୍କ ରୋମାନ୍ସ
2020କୁ ଦୁବାଇରୁ ବିଦାୟ ଦେବେ ସୁସ୍ମିତା । ଖୁବଶୀଘ୍ର ସେ ଦୁଇ ଝିଅ ଓ ବୟଫ୍ରେଣ୍ଡ ରୋହମାନଙ୍କ ସହ ଦୁବାଇ ଯାତ୍ରା କରିବେ ବୋଲି ଚର୍ଚ୍ଚା । ଅଧିକ ପଢନ୍ତୁ...
ଫଟୋ ସୌଜନ୍ୟ:ଇନଷ୍ଟାଗ୍ରାମ@ସୁସ୍ମିତା ସେନ
ଶୁଣିବାକୁ ମିଳୁଛି ଦୁଇ ଝିଅଙ୍କ ସହ ସୁସ୍ମିତା ଓ ରୋହମାନ ଏବେ ଦୁବାଇରେ ଛୁଟି କାଟିବେ । ଚର୍ଚ୍ଚା ଜୋର ଧରିଛି ଯେ ଦୁବାଇରେ ଅନେକ ସମ୍ପର୍କୀୟଙ୍କ ସହ ସୁସ୍ମିତା ଏବଂ ରୋହମାନ ଯୋଗ ଦେଇପାରନ୍ତି । ଏହାପୂର୍ବରୁ ଦୁହେଁ ପ୍ରଥମେ ପାରିବାରିକ ବିବାହ ପାଇଁ କୋଲକାତା ଯାତ୍ରା କରିବେ ।
ଖାଲି ଏତିକି ନୁହେଁ ଏହି ଟ୍ରିପରେ ସାମିଲ ହେବ ସୁସ୍ମିତାଙ୍କ ଭାଇ ରାଜୀବ ସେନ ଆଉ ତାଙ୍କ ଭାଉଜ ତଥା ଟିଭି ଅଭିନେତ୍ରୀ ଚାରୁ ଆସୋପା । ଯାହା ଦୁଇଜଣଙ୍କ ପ୍ରଥମ ରୋମାଣ୍ଟିକ ଟ୍ରିପ ହେବ । ଏହି ହଲିଡେ ଏଥର ସୁସ୍ମିତାଙ୍କ ପରିବାର ପାଇଁ ଖାସ୍ ହେବାକୁ ଯାଉଛି । ଦୀର୍ଘ ସମୟ ପରେ ପୁରା ପରିବାର ପୁଣି ଏକାଠି ସମୟ ବିତାଇବାକୁ ନେଇ ଉତ୍ସାହିତ ଅଛନ୍ତି ।