ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ନିଧନ ପରେ ଏବେ ସମସ୍ତେ ତାଙ୍କ ସହ ସମ୍ପୃକ୍ତ ଥିବା ଅନେକ କଥା ସୋସିଆଲ ମିଡିଆରେ ସେୟାର କରିବାରେ ଲାଗିଛନ୍ତି । ତାଙ୍କର ଅନେକ ଭିଡିଓ, ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ସେହିପରି ତାଙ୍କ ଫ୍ୟାନ୍ସଙ୍କ ଅନୁଯାୟୀ ସେମାନଙ୍କ ହୃଦୟରେ ସୁଶାନ୍ତ ନିଜ ଫିଲ୍ମ ମାଧ୍ୟମରେ ସମ୍ପୃକ୍ତ ରହିବେ । ଆଉ ଏବେ ସୁଶାନ୍ତଙ୍କ ଟିମ ଏମତି କିଛି କରିଛନ୍ତି । ଯାହାଦ୍ବାରା ସୁଶାନ୍ତ ସ୍ମୃତି ସମସ୍ତଙ୍କ ମଧ୍ୟରେ ବଞ୍ଚି ରହିବ ।
ମାତ୍ର 34 ବର୍ଷ ବୟସ ଦୁନିଆକୁ ଅଲବିଦା କହିଥିବା ସୁଶାନ୍ତଙ୍କ ଅଧା ରହିଯାଇଥିବା ସ୍ବପ୍ନକୁ ପୂରଣ କରିବ ତାଙ୍କ ଟିମ ।
ସୁଶାନ୍ତଙ୍କ ଫେସବୁକ ଜରିଆରେ ଟିମ ଏହି କଥାର ସୂଚନା ଦେଇଛି । ତାଙ୍କ ସ୍ମୃତିରେ ଟିମ ଏକ ୱେବସାଇଟ ସେଲ୍ଫମ୍ୟୁଜିଂ ଡଟ କମ ତିଆରି କରିଛି । ଏହି ୱେବସାଇଟ ଜରିଆରେ ସୁଶାନ୍ତଙ୍କ ଟିମ ଫ୍ୟାନ୍ସଙ୍କ ସହ କନେକ୍ଟ ରହିବ । ଯାହାଦ୍ବାରା ସୁଶାନ୍ତ ନିଜ ଫ୍ୟାନ୍ସଙ୍କ ହଦୟରେ ସର୍ବଦା ରହିପାରିବେ ।
ଏହି ସୂଚନା ଦେଇ ତାଙ୍କ ଟିମ ପୋଷ୍ଟରେ ଲେଖିଛି, ‘ହୁଏତଃ ସେ ଦୂରକୁ ଚାଲିଯାଇଛନ୍ତି । ହେଲେ ସେ ଆଜି ମଧ୍ୟ ଆମ ଗହଣରେ ଜୀବିତ । ତାଙ୍କ ସେଲ୍ଫ ମୋଡ http://selfmusing.com/ ଆରମ୍ଭ ହେବାକୁ ଯାଉଛି । ଆପଣଙ୍କ ଭଳି ଫ୍ୟାନ୍ସ ହିଁ ସୁଶାନ୍ତଙ୍କ ରିୟଲ ଗଡଫାଦର ଥିଲେ । ଯେମିତି ତାଙ୍କୁ କଥା ଦିଆଯାଇଥିଲା । ଏହି ସ୍ଥାନରେ ତାଙ୍କର ଚିନ୍ତାଧାରା, ସ୍ବପ୍ନର ଭଣ୍ଡାର ରହିବ । ଯାହା ସେ ସର୍ବଦା ଚାହୁଁଥିଲେ ଲୋକେ ସେହି ବିଷୟରେ ଜାଣନ୍ତୁ । ଆଜ୍ଞା ହଁ, ଆମେ ଏଠାରେ ତାଙ୍କର ସକାରତ୍ମକ ଶକ୍ତି ରଖୁଛୁ, ଯାହା ସେ ଛାଡିଚାଲିଯାଇଛନ୍ତି ।’
