ରିଲେସନଶିପର ରାଜ୍ ଖୋଲିଲେ ସୁଶାନ୍ତ !

ସବୁବେଳେ ନିଜ ଲଭଲାଇଫ ଏବଂ ବ୍ରେକଅଫକୁ ନେଇ ଚର୍ଚ୍ଚାରେ ରହୁଥିବା ଅଭିନେତା ସୁଶାନ୍ତ ସିଂ ରାଜପୁତ ଏବେ ସିଙ୍ଗଲ ଅଛନ୍ତି । ଯାହାର ସୂଚନା ସେ ଏକ ସାକ୍ଷାତକାରରେ ଦେଇଛନ୍ତି ।

ମୁମ୍ବାଇ: ହ୍ୟାଣ୍ଡସମ ଆକ୍ଟର ସୁଶାନ୍ତ ସିଂ ରାଜପୁତଙ୍କ ଅଭିନୀତ ମଲ୍ଟି ଷ୍ଟାରର ଫିଲ୍ମ ‘ଛିଛୋରେ’ର ସଫଳତା ପରେ ତାଙ୍କ ଡିମାଣ୍ଡ ପୁଣି ବଲିଉଡରେ ବଢିଯାଇଛି । ଫିଲ୍ମରେ ତାଙ୍କ ସହ ରୋମାନ୍ସ କରିଥିଲେ ସୁନ୍ଦରୀ ଅଭିନେତ୍ରୀ ଶ୍ରଦ୍ଧା କପୁର । ଫିଲ୍ମ ଠାରୁ ଅଧିକା ସୁଶାନ୍ତଙ୍କ ଲଭ ଲାଇଫକୁ ନେଇ ଚର୍ଚ୍ଚା ହୋଇଥାଏ ।

କେବେ ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ ସହ ରିଲେସନଶିପ ତ ଆଉ କେବେ ଅଭିନେତ୍ରୀ କ୍ରିତି ସାନନଙ୍କ ସହ ରୋମାନ୍ସ । ଖାଲି ଏତିକି ନୁହେଁ ତାଙ୍କ ନାମ ରିୟା ଚକ୍ରବର୍ତ୍ତୀଙ୍କ ସହ ମଧ୍ୟ ନିଆଯାଉଛି । କିନ୍ତୁ ସୁଶାନ୍ତଙ୍କ ବର୍ତ୍ତମାନ ରିଲେସନଶିପ ଷ୍ଟେଟସ କଣ ? ତେବେ ଆସନ୍ତୁ ଜାଣିବା...

ଏକ ସାକ୍ଷାତକାରେ ଯୋଗ ଦେଇ ସୁଶାନ୍ତ ଅନେକ ରହସ୍ୟ ଉପରୁ ପରଦା ଉଠାଇଥିଲେ । ଯେତେବେଳେ ତାଙ୍କୁ ବର୍ତ୍ତମାନ ରିଲେସନଶିପ ଷ୍ଟେଟସ ପ୍ରଶ୍ନ କରାଯାଇଥିଲା । ତେବେ ସଙ୍ଗେ ସଙ୍ଗେ କହିଥିଲେ କି ବର୍ତ୍ତମାନ ସେ ସିଙ୍ଗଲ ଅଛନ୍ତି । ସେ ମିଛ କହୁନାହାଁନ୍ତି ସମସ୍ତଙ୍କୁ ଲାଗୁଛି ଯେ ସେ କାହା ସହିତ ରିଲେସନଶିପରେ ଅଛନ୍ତି କିନ୍ତୁ ବାସ୍ତବରେ ସେ ସିଙ୍ଗଲ ଅଛନ୍ତି ।

ଏହାସହ ଏହି ସାକ୍ଷାତକାରରେ ସେ ନିଜ ପ୍ରଥମ ପ୍ରେମ ବିଷୟରେ ମଧ୍ୟ ଆଲୋଚନା କରିଥିଲେ । ଚତୁର୍ଥ ଶ୍ରେଣୀରେ ପଢିବା ବେଳେ ସେ ନିଜ ସ୍କୁଲ ଟିଚରଙ୍କୁ ହୃଦୟ ଦେଇବସିଥିଲେ । ଆଉ ପ୍ରଥମଥର ସେ ନବମ ଶ୍ରେଣୀରେ ଜଣେ ଝିଅଙ୍କ ସହ ଡେଟରେ ଯାଇଥିଲେ ।