ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ବଲିଉଡ ଫିଲ୍ମ ଇଣ୍ଡଷ୍ଟ୍ରିକୁ ଚକିତ କରିଛି । ଏଯାବତ ତାଙ୍କ ମୃତ୍ୟୁକୁ ନେଇ ଶୋକର ଛାୟା ସବୁ ମହଲରେ ଦେଖିବାକୁ ମିଳୁଛି । ସୁଶାନ୍ତ ଅନେକ ଫେମସ କଳାକାରଙ୍କ ସହ କାମ କରିଥିଲେ । ଏହି କ୍ରମରେ ସାମିଲ ଅଛନ୍ତି ଲୋକପ୍ରିୟ ଅଭିନେତା ମନୋଜ ବାଜପେୟୀ । ଗତ ବର୍ଷ ରିଲିଜ ହୋଇଥିବା ‘ସୋନ ଚିରୈୟା’ରେ ଏକାଠି ନଜର ଆସିଥିଲେ ଏହି ଦୁଇ ଅଭିନେତା ।
ଇତିମଧ୍ୟରେ ସୁଶାନ୍ତଙ୍କ ମୃତ୍ୟୁରେ ଦୁଃଖ ପ୍ରକାଶ କରିଛନ୍ତି ମନୋଜ । ସେ ନିକଟରେ ନିର୍ମାତା ଶେଖର କପୁରଙ୍କ ଇନଷ୍ଟାଗ୍ରାମ ଲାଇଭ ଜରିଆରେ ସୁଶାନ୍ତଙ୍କୁ ନେଇ ଅନେକ କଥା କହିଥିଲେ । ଆଉ ନିକଟରେ ଦୁନିଆ ଛାଡି ଚାଲିଯାଇଥିବା ଅଭିନେତା ଇରଫାନ ଖାନ ଓ ଋଷି କପୁରଙ୍କୁ ନେଇ ମଧ୍ୟ ଦୁଃଖ ପ୍ରକାଶ କରିଥିଲେ ।