ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ଆଜି ମୁମ୍ବାଇର ବାନ୍ଦ୍ରାସ୍ଥିତ ତାଙ୍କ ବାସଭବନରେ ଆତ୍ମହତ୍ୟା କରିଛନ୍ତି । କିନ୍ତୁ ତାଙ୍କ ଆତ୍ମହତ୍ୟାର କାରଣ ଏପର୍ଯ୍ୟନ୍ତ ଅସ୍ପଷ୍ଟ ହୋଇ ଅଛି କେହି ଜାଣିପାରି ନାହାଁନ୍ତି । ସୁଶାନ୍ତ ସିଂଙ୍କ ମୃତ୍ୟୁ ଖବରକୁ ନେଇ ବଲିଉଡରେ ଶୋକର ଛାୟା ଖେଳିଯାଇଛି ।
ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରି କହିଛନ୍ତି, ସୁଶାନ୍ତ ସିଂ ରାଜପୁତ ... ଜଣେ ଭଲ ଯୁବ ଅଭିନେତା ଥିଲେ । ଖୁବ୍ ଶୀଘ୍ର ଚାଲିଗଲେ । ସେ ଟେଲିଭିଜନ ଏବଂ ଚଳଚ୍ଚିତ୍ରରେ କାମ କରୁଥିଲେ ।ମନୋରଞ୍ଜନ ଜଗତରେ ତାଙ୍କର ଅଭିନୟ ଅନେକ ଲୋକମାନଙ୍କୁ ପ୍ରେରଣା ଦେଇଥିଲା । ତାଙ୍କ ମୃତ୍ୟୁରେ ସମସ୍ତେ ଚକିତ । ଭଗବାନ ତୁମ ପରିବାରକୁ ଆଶୀର୍ବାଦ କରନ୍ତୁ ।
ସୁଶାନ୍ତ ସିଂଙ୍କ ମୃତ୍ୟୁ ଖବରକୁ ନେଇ ସମଗ୍ର ବଲିଉଡ ସ୍ତବ୍ଧ ଥିବାବେଳେ ସଚିନ ତେନ୍ଦୁଲକର, ସାହିଦ କପୁର, ଅନୁପମ ଖେର, ସଞ୍ଜୟ ଦତ୍ତ, ରିତେଶ ଦେଖମୁଖ ଏବଂ ଅକ୍ଷୟ କୁମାରଙ୍କ ସମେତ ବହୁ ଅଭିନେତା ଶୋକ ପ୍ରକାଶ କରିଛନ୍ତି ।
ଅକ୍ଷୟ କୁମାର ଟ୍ୱିଟ୍ କରି କହିଛନ୍ତି, ଏହି ଖବର ମୋତେ ଚକିତ କରି ଦେଉଛି । ମୋର ମନେ ଅଛି ଯେ ମୁଁ ତାଙ୍କର ଛିଚୋରେ ଚଳଚ୍ଚିତ୍ରକୁ ବହୁତ ଉପଭୋଗ କରିଥିଲି । ସୁଶାନ୍ତ ଜଣେ ଦକ୍ଷ ଅଭିନେତା ଥିଲେ । ଭଗବାନ ତୁମ ପରିବାରକୁ ଆଶୀର୍ବାଦ କରନ୍ତୁ ।