ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ସନ୍ଦେହ ଘେରରେ ଥିବା ଅଭିନେତ୍ରୀ ରିଆ ଚକ୍ରବର୍ତ୍ତୀ ରବିବାର ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) ସାମ୍ନାରେ ହାଜର ହୋଇଥିଲେ । ନିକଟରେ ଏନସିବି ଦ୍ବାରା ଗିରଫ ହୋଇଥିବା ତାଙ୍କ ଭାଇ ସୌଭିକ ଚକ୍ରବର୍ତ୍ତୀ ଓ ସୁଶାନ୍ତଙ୍କ ବନ୍ଧୁ ସାମୁଏଲ ମିରାଣ୍ଡା ସ୍ବୀକାର କରିସାରିଛନ୍ତି ଯେ ରିଆଙ୍କ ନିର୍ଦ୍ଦେଶ ଅନୁଯାୟୀ ସୁଶାନ୍ତଙ୍କୁ ଡ୍ରଗ ଦିଆଯାଇଛି । ସେହିପରି ରବିବାର ରିଆ ମଧ୍ୟ ଏହି ମାମଲାରେ କିଛି ସତ ଓଗାଳିଥିଲେ ।
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
ଆଉ ସୋମବାର ଦ୍ବିତୀୟଥର ତାଙ୍କ ବୟାନ ରେକର୍ଡ କରଯାଇଛି । ଦୀର୍ଘ 8 ଘଣ୍ଟା ଧରି ପଚରାଉଚରା କରିଥିଲା ଏନସିବି । ସେ ସୋମବାର ସକାଳେ 9.30ରେ ମୁମ୍ବାଇରେ ବଲାର୍ଡ ଇଷ୍ଟେଟ ଅଞ୍ଚଳରେ ଥିବା ବ୍ୟୁରୋ ଅଫିସରେ ପହଞ୍ଚିଥିଲେ ।