ମୁମ୍ବାଇ: ବଲିଉଡର ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଦିନ ଅର୍ଥାତ୍ ଜୁନ୍ 14 ରେ, ତାଙ୍କ ଘର ବାହାରେ ଦୁଇଟି ଆମ୍ବୁଲାନ୍ସ କାହିଁକି ଥିଲା? ସମସ୍ତେ ଏହି ପ୍ରଶ୍ନର ଉତ୍ତର ଜାଣିବାକୁ ଚାହୁଁଥିଲେ ।
ତେବେ ବର୍ତ୍ତମାନ ପ୍ରକାଶ ପାଇଛି ଯେ, ପ୍ରଥମ ଆମ୍ବୁଲାନ୍ସରେ କିଛି ବୈଷୟିକ ତ୍ରୁଟି ଥିବାରୁ ଦ୍ୱିତୀୟ ଆମ୍ବୁଲାନ୍ସକୁ ଘଟଣାସ୍ଥଳକୁ ଡକାଯାଇଥିଲା ।
ପ୍ରଥମ ଆମ୍ବୁଲାନ୍ସର ଡ୍ରାଇଭର ସାହିଲ କହିଛନ୍ତି ଯେ, ତାଙ୍କ ଆମ୍ବୁଲାନ୍ସରେ ଥିବା ଟ୍ରଲି ଭାଙ୍ଗି ଯାଇଥିଲା ତେଣୁ ତାଙ୍କୁ ବଦଳାଇବାକୁ ଡକାଯାଇଥିଲା ।
ଦ୍ୱିତୀୟ ଆମ୍ବୁଲାନ୍ସର ଡ୍ରାଇଭର ଅକ୍ଷୟ କହିଛନ୍ତି ଯେ, ସେ ପୋଲିସ ଠାରୁ ଏକ କଲ ପାଇଥିଲେ ଏବଂ ଅନ୍ୟ ଆମ୍ବୁଲାନ୍ସ ର ଟ୍ରଲି ଭାଙ୍ଗିବା ବିଷୟରେ ମଧ୍ୟ ସୂଚନା ଦିଆଯାଇଥିଲା ।
ଅକ୍ଷୟ ଆହୁରି କହିଛନ୍ତି ଯେ, ଅନେକ ଲୋକ ତାଙ୍କୁ ମଧ୍ୟ ସୁଶାନ୍ତଙ୍କ ମୃତ୍ୟୁରେ ସମ୍ପୃକ୍ତ ଥିବା ଅଭିଯୋଗ କରୁଛନ୍ତି । ଏଥିସହିତ ଲୋକ ତାଙ୍କ ସହିତ ଦୁର୍ବ୍ୟବହାର ମଧ୍ୟ କରୁଛନ୍ତି ।
ଉଲ୍ଲେଖନୀୟ କଥା ହେଉଛି, ସୁଶାନ୍ତଙ୍କ ପିତା କେ.କେ ସିଂ ସ୍ୱର୍ଗତ ଅଭିନେତା ଗର୍ଲଫ୍ରେଣ୍ଡ ତଥା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ବିରୋଧରେ ଆତ୍ମହତ୍ୟା ଏବଂ ଟଙ୍କା ଠକେଇ ମାମଲା ରୁଜୁ କରିଛନ୍ତି । ଯେଉଁଥି ପାଇଁ ରିୟାଙ୍କୁ ଆଜି ତୃତୀୟ ଥର ପାଇଁ ସିବିଆଇ ପଚରାଉଚରା କରୁଛି ।