ମୁମ୍ବାଇ: ସୁପରଷ୍ଟାର ସଲମାନ ଖାନ ଏଥର ଇଦ ଅବସରରେ ଦର୍ଶକଙ୍କ ପାଇଁ କୌଣସି ନୂଆ ଫିଲ୍ମ ତ ଆଣିନାହାଁନ୍ତି । ହେଲେ ନିଜର ଏକ ବ୍ରାଣ୍ଡ ଆଣି ସମସ୍ତଙ୍କୁ ଇଦର ଇଦି ଦେଇଛନ୍ତି। ସେ ନିଜର ନୂଆ ବ୍ରାଣ୍ଡ ଫ୍ରେଶର ପ୍ରଥମ ପ୍ରଡକ୍ଟ ରୂପେ ସାଇନିଟାଇଜର ଲଞ୍ଚ କରିଛନ୍ତି। ଦେଶର ବର୍ତ୍ତମାନ ପରିସ୍ଥିତିକୁ ଦୃଷ୍ଟିରେ ରଖି ସେ ଫ୍ରେଶ ବ୍ରାଣ୍ଡରେ ସାଇନିଟାଇଜର ସାମିଲ କରିଛନ୍ତି।
ସଲମାନ ସୋସିଆଲ ମିଡିଆ ହ୍ୟାଣ୍ଡେଲରେ ଭିଡିଓ ପୋଷ୍ଟ କରି ଏହାର ସୂଚନା ଦେଇଛନ୍ତି । ବ୍ରାଣ୍ଡ ନାମ ଫ୍ରେଶର ବନାନରେ 'ଇ' ନଥିବାର କାରଣ ମଧ୍ୟ ସେ ଜଣାଇଛନ୍ତି। ସେ କହିଛନ୍ତି ଯେ ବର୍ତ୍ତମାନ ଆମେ ଯେପରି ସବୁ ଶବ୍ଦକୁ ଛୋଟ କରିଦେଉଛୁ, ତେବେ ଏହା କାହିଁକି ହୋଇପାରିବ ନାହିଁ ।