ମୁମ୍ବାଇ: ବଲିଉଡର ଭେଟେରାନ ଅଭିନେତା କବୀର ବେଦୀ ନିଜ ଆତ୍ମକଥା ‘ଷ୍ଟୋରିଜ ଆଇ ମଷ୍ଟ ଟେଲ-ଦ ଇମୋଶନ ଜର୍ନି ଅଫ୍ ଆନ୍ ଆକ୍ଟର’ର କଭର ଲଞ୍ଚ କରିଛନ୍ତି । ବୁଧବାର ଫେସବୁକରେ ସୁପରଷ୍ଟାର ସଲମାନ ଖାନଙ୍କ ଦ୍ବାରା ଏହି ପୁସ୍ତକର କଭର ଡିଜିଟାଲ ଲଞ୍ଚ କରାଯାଇଥିଲା। ଏହି ବହିରେ ସଲମାନଙ୍କ ସହ ତାଙ୍କ ଖାସ୍ କଥାବାର୍ତ୍ତାକୁ ସେ ସାମିଲ କରିଛନ୍ତି ।
ସେପଟେ ବହି ପାଇଁ କବୀରଙ୍କୁ ଶୁଭେଚ୍ଛା ଜଣାଇ ସଲମାନ କହିଛନ୍ତି, ‘ଜଣେ ଷ୍ଟାର ଏବଂ ମଣିଷ ଭାବରେ ତୁମର ବ୍ୟକ୍ତିତ୍ବ ନିର୍ମଳ, ତେଣୁ ଏହି ପୁସ୍ତକରେ ଯାହା ରଖିଥିବ ତାହା ସିଧାସଳଖ ତୁମର ହୃଦୟ ଏବଂ ଆତ୍ମାରୁ ହୋଇଥିବ । ଏହା ଏକ ସୁନ୍ଦର ବହି ଏବଂ ମୁଁ ଆଶା କରୁଛି ଆପଣ ଅଂଶୀଦାର କରିଥିବା ଅନୁଭୂତିରୁ ଅନେକ ଲୋକ କିଛି ଶିଖିବାକୁ ପାଇବେ ।’