କୋରୋନା କବଳରେ ସଲମାନଙ୍କ ଷ୍ଟାଫ, ଆଇସୋଲେସନରେ ଭାଇଜାନ

ସଲମାନଙ୍କୁ ନେଇ ନୂଆ ଖବର । 14 ଦିନ ପାଇଁ ପୁରା ପରିବାର ସହ ଆଇସୋଲେସନରେ ରହିଲେ ସେ । ନିକଟରେ ତାଙ୍କ କିଛି ଷ୍ଟାଫଙ୍କ କୋରୋନା ଟେଷ୍ଟ ପଜିଟିଭ ଆସିଛି ।

ମୁମ୍ବାଇ: ସୁପରଷ୍ଟାର ସଲମାନ ଖାନ ବର୍ତ୍ତମାନ ନିଜକୁ ଆଇସୋଲେସନରେ ରଖିଛନ୍ତି । ତାଙ୍କ ଡ୍ରାଇଭର ଓ ଦୁଇ ଷ୍ଟାଫ କୋରୋନା ସଂକ୍ରିମତ ହେବା ପରେ ସେ ଏପରି ନିଷ୍ପତ୍ତି ନେଇଛନ୍ତି । ବର୍ତ୍ତମାନ ତାଙ୍କ ଷ୍ଟାଫଙ୍କ ଚିକିତ୍ସା ବମ୍ବେ ହସ୍ପିଟାଲରେ ଚାଲିଛି । ସଲମାନଙ୍କ ସହ ପୁରା ପରିବା 14 ଦିନ ପର୍ଯ୍ୟନ୍ତ ଆଇସୋଲେସନରେ ରହିବେ ବୋଲି ଶୁଣିବାକୁ ମିଳୁଛି ।

ଏମିତି ପରିସ୍ଥିତିରେ ଫ୍ୟାନ୍ସଙ୍କ ମନରେ ଗୋଟିଏ ପ୍ରଶ୍ନ ଉଙ୍କି ମାରୁଛି । ସଲମାନ ଆଇସୋଲେସନର ଥିବାରୁ ତାଙ୍କ ରିୟାଲିଟି ଶୋ ‘ବିଗବସ 14’ର ୱିକେଣ୍ଡ ଏପିସୋଡରେ କିଏ ନଜର ଆସିବାକୁ ନେଇ ସମସ୍ତେ ଚିନ୍ତିତ । କାରଣ ଅନେକ ବର୍ଷରୁ ସଲମାନଙ୍କ ହୋଷ୍ଟିଂ ଏହି ଶୋରେ ଦେଖିଆସୁଛନ୍ତି ଦର୍ଶକ । ଯାହାଦ୍ବାରା ସମସ୍ତଙ୍କ ଫେଭରେଟ ସାଜିଛି ‘ବିଗବସ’ ।

ପ୍ରକାଶ ଥାଉକି ନିକଟରେ ସଲମାନ ବହୁପ୍ରତିକ୍ଷିତ ଫିଲ୍ମ ‘ରାଧେ’ର ସୁଟିଂ ଶେଷ କରିଥିଲେ । ପ୍ରଭୁଦେବାଙ୍କ ନିର୍ଦ୍ଦେଶିତ ଏହି ଫିଲ୍ମରେ ସେକ୍ସୀ ଅଭିନେତ୍ରୀ ଦିଶା ପଟାନୀ ନଜର ଆସିବେ । ସେହିପରି ଭିଲେନ ସାଜି ପରଦାରେ ସଲମାନଙ୍କ ସହ ଲଢିବେ ହ୍ୟାଣ୍ଡସମ ଆକ୍ଟର ରଣଦୀପ ହୁଡ୍ଡା ।