‘ରାଧେ’ ଆୟରୁ କୋରୋନା ଆକ୍ରାନ୍ତଙ୍କ ଚିକିତ୍ସା କରିବେ ଭାଇଜାନ

ସଲମାନଙ୍କ ବଡ ନିଷ୍ପତ୍ତି । ନିଜ ଆଗାମୀ ଫିଲ୍ମ ‘ରାଧେ’ରୁ ଉପାର୍ଜିତ ହେବାକୁ ଥିବା ଟଙ୍କାରେ ସମସ୍ତଙ୍କୁ ସହଯୋଗ କରିବେ ବୋଲି ନିଷ୍ପତ୍ତି ନେଇଛନ୍ତି ସେ । ଅଧିକ ପଢନ୍ତୁ...

ମୁମ୍ବାଇ:କୋରୋନା ମହାମାରୀର ଦ୍ବିତୀୟ ଲହର ଭାରତରେ ତାଣ୍ଡବ ରଚିଲାଣି । ବଢିଚାଲିଛି ସଂକ୍ରମଣଙ୍କ ସଂଖ୍ୟା । ଦେଶରେ ମେଡିକାଲ ଶଯ୍ୟାଠୁ ନେଇ ଅମ୍ଳଜାନର ଅଭାବ ଦେଖାଦେଲାଣି । ସେପଟେ ଦେଶବାସୀଙ୍କୁ ସେବା କରିବାକୁ ଅନେକ ସେଲିବ୍ରିଟି ଧିରେ ଧିରେ ସାମ୍ନାକୁ ଆସୁଛନ୍ତି । ଏଥର ପୁଣି ସଲମାନ ଖାନ ସମସ୍ତଙ୍କୁ ସହଯୋଗର ହାତ ବଢାଇବାକୁ ଆଗେଇ ଆସିଛନ୍ତି ।

ସଲମାନ ନିଜ ପ୍ରଡକ୍ସନ ହାଉସ ଦ୍ବାରା ଏକ ଅଗ୍ରଣୀ ବିଶ୍ବସ୍ତରୀୟ ବିଷୟବସ୍ତୁ କମ୍ପାନୀ - ଜି ଏଣ୍ଟରଟେନମେଣ୍ଟ ଏଣ୍ଟରପ୍ରାଇଜେସ୍ ଲିମିଟେଡ୍ ମିଶି ଅମ୍ଳଜାନ ସିଲିଣ୍ଡର, ଏକାଗ୍ରତା ଏବଂ ଭେଣ୍ଟିଲେଟର ଭଳି ଅତ୍ୟାବଶ୍ୟକ ଚିକିତ୍ସା ଉପକରଣ ଦାନ କରିବାକୁ ଯୋଜନା କରିଛନ୍ତି।

ଏହି ସହାୟତା ମେ’ 13ରେ ବହୁ ପ୍ରତୀକ୍ଷିତ ଫିଲ୍ମ ‘ରାଧେ’ର ମଲ୍ଟି ଷ୍ଟେଜ୍ ରିଲିଜରୁ ପ୍ରାପ୍ତ ରାଜସ୍ବରୁ ମିଳିବ । ଏଥିପାଇଁ ଜି ଏବଂ ସଲମାନ ଖାନ ଫିଲ୍ମସ ଭାରତର ସର୍ବବୃହତ ତଥା ବିଶ୍ବସ୍ତ ଦାନ ପ୍ଲାଟଫର୍ମ - ଗିଭି ଇଣ୍ଡିଆ ସହିତ ସହଭାଗୀ ହୋଇଛନ୍ତି।