ମୁମ୍ବାଇ: ବଲିଉଡ ସେଲିବ୍ରିଟି ସବୁ ଉତ୍ସବକୁ ଧୁମଧାମରେ ନିଜ ଘରେ ପାଳନ କରନ୍ତି । ହେଲେ ଏବର୍ଷ ଗଣେଶ ଚତୁର୍ଥୀ ଧୁମଧାମରେ ନହେଲେ ମଧ୍ୟ ସୁରକ୍ଷିତ ରୂପେ ନିଜ ନିଜ ଘରେ ପାଳନ କରିଛନ୍ତି ସମସ୍ତେ । ଏହି କ୍ରମରେ ସାମିଲ ଅଛନ୍ତି ସୁପରଷ୍ଟାର ସଲମାନ ଖାନ, ଆମୀର ଖାନ, ଶିଳ୍ପା ସେଟ୍ଟୀ ଓ ହ୍ରିତିକ ରୋଶନ । ଏହିମାନଙ୍କ ଘରେ ଦେଖିବାକୁ ମିଳିଥିଲା ଗଣେଶ ପୂଜା । ଇତିମଧ୍ୟରେ ହ୍ରିତିକ ମଙ୍ଗଳବାର ସୋସିଆଲ ମିଡିଆରେ ଗଣେଶ ପୂଜା ବିଷୟରେ ନିଜ ପିଲାବେଳର କିଛି ସ୍ମୃତି ସେୟାର କରିଛନ୍ତି ।
ସେ ଇନଷ୍ଟାଗ୍ରାମରେ ଏକ ଭିଡିଓ କ୍ଲିପ ସେୟାର କରିଛନ୍ତି । ଯେଉଁଥିରେ ତାଙ୍କ ପୁରା ପରିବାର ଗଣେଶ ବିସର୍ଜନ କରୁଥିବାର ନଜର ଆସୁଛନ୍ତି । ମୁଖ୍ୟ କଥା ହେଲା ଯେ କୋରୋନା ପ୍ରକୋପ ପାଇଁ ପୁରା ପରିବାର ଏକ ବଡ ବକେଟରେ ଗଣେଶ ବିସର୍ଜନ କରିଛନ୍ତି ।