ମୁମ୍ବାଇ: ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ଓ ରାଜକୁମାର ରାଓଙ୍କ ଅଭିନୀତ ଫିଲ୍ମ ‘ଦ ହ୍ବାଇଟ ଟାଇଗର’ ଗତ 13 ତାରିଖରେ ନେଟଫ୍ଲିକ୍ସରେ ରିଲିଜ ହୋଇଥିଲା । ରିଲିଜ ପରଠୁ ଚର୍ଚ୍ଚାରେ ଫିଲ୍ମ । ଯାହାର କାହାଣୀ ଜଣେ ଗରିବ ଡ୍ରାଇଭର ଉପରେ ଆଧାରିତ । ସେହିପରି ଫିଲ୍ମକୁ ଶାନଦାର ପ୍ରତିକ୍ରିୟା ମଧ୍ୟ ମିଳିବାରେ ଲାଗିଛି । ଆଉ ଏବେ ସୁପରଷ୍ଟାର ହ୍ରିତିକ ରୋଶନ ଫିଲ୍ମ ଦେଖି ନିଜ ପ୍ରତିକ୍ରିୟା ରଖିଛନ୍ତି ।
‘ଦ ହ୍ବାଇଟ ଟାଇଗର’ ପ୍ରଶଂସାରେ ହ୍ରିତିକ - ହ୍ରିତିକ ରୋଶନଙ୍କ ଟ୍ବିଟ ଭାଇରାଲ
ଶୁକ୍ରବାର ପ୍ରିୟଙ୍କା ଓ ରାଜକୁମାରଙ୍କ ଫିଲ୍ମ ‘ଦ ହ୍ବାଇଟ ଟାଇଗର’ ଦେଖି ସମୟ ବିତାଇଥିଲେ ହ୍ରିତିକ । ଆଉ ସୋସିଆଲ ମିଡିଆରେ ଫିଲ୍ମର ପ୍ରଶଂସା ମଧ୍ୟ କରିଛନ୍ତି । ଅଧିକ ପଢନ୍ତୁ...
3x2
ଟ୍ବିଟରରେ ପ୍ରତିକ୍ରିୟା ଦେଇ ହ୍ରିତିକ ଲେଖିଛନ୍ତି, ‘ଦ ହ୍ବାଇଟ ଟାଇଗର ଦେଖିବା ସହ ମୋ ଶୁକ୍ରବାର ଶାନଦାର ସାବ୍ୟସ୍ତ ହୋଇଛି । ମୋ ଫ୍ରେଣ୍ଡ ପ୍ରିୟଙ୍କା ଏବଂ ରାଜକୁମାର ଜବରଦସ୍ତ ଅଭିନୟ କରିଛନ୍ତି । ଆଦର୍ଶ ଗୌରବ ତୁମେ ଜଣେ ଭଲ ଅଭିନେତା । ରହୀମ ବହରାନୀ ଏବଂ ତାଙ୍କ ଟିମକୁ ଶୁଭେଚ୍ଛା ଏବଂ ଶୁଭକାମନା ଏପରି ଫିଲ୍ମ ନିର୍ମାଣ କରିଥିବାରୁ ।’
ପ୍ରକାଶ ଥାଉକି ‘ଦ ହ୍ବାଇଟ ଟାଇଗର’ରେ ପ୍ରିୟଙ୍କା, ରାଜକୁମାର ଓ ଆଦର୍ଶଙ୍କ ବ୍ୟତୀତ ମହେଶ ମାଞ୍ଜରେକର ମଧ୍ୟ ମୁଖ୍ୟ ଭୂମିକାରେ ନଜର ଆସୁଛନ୍ତି । ବିଶ୍ବସ୍ତରରେ ରିଲିଜ ହୋଇଥିବା ଏହି ଫିଲ୍ମକୁ ବର୍ତ୍ତମାନ ଖୁବ୍ ପ୍ରଶଂସା ମିଳିବାରେ ଲାଗିଛି ।