ମୁମ୍ବାଇ: ବିଗ ବି ଅମିତାଭ ବଚ୍ଚନ ଫିଲ୍ମ ବ୍ୟତୀତ ସୋସିଆଲ ମିଡିଆରେ ମଧ୍ୟ ଖୁବ୍ ସକ୍ରିୟ ରୁହନ୍ତି । ସେ ଫ୍ୟାନ୍ସଙ୍କ ସହ କନେକ୍ଟ ରହିବା ପାଇଁ ପ୍ରାୟତଃ କିଛି ନା କିଛି ସେୟାର କରୁଥିବାର ନଜର ଆସନ୍ତି । କେବେ ନିଜ କବିତା ଦ୍ବାରା ତ କେବେ ସାମାଜିକ ଜ୍ଞାନ ବାଣ୍ଟନ୍ତି । ହେଲେ ଏବେ ସେ ନିଜ ଫିଲ୍ମର ଏକ ଥ୍ରୋବ୍ୟାକ ଫଟୋ ପୋଷ୍ଟ କରିଛନ୍ତି, ଯାହା କେବେ ନିର୍ମାଣ ହୋଇନଥିଲା ।
ବର୍ତ୍ତମାନ ଭାଇରାଲ ହେଉଥିବା ଏହି ଫଟୋରେ ଅମିତାଭ ଡେନିମ୍ ଜ୍ୟାକେଟ ସହ ବ୍ଲାକ ପ୍ୟାଣ୍ଟ ପିନ୍ଧିଥିବାର ଦେଖାଯାଉଛନ୍ତି । ଆଉ ସେହିପରି ହାତରେ ବନ୍ଧୁକ ଧରିଛନ୍ତି । ଏହି ଫଟୋସୁଟ ସେ ନିଜର ଏକ ଫିଲ୍ମ ପାଇଁ କରିଥିଲେ । ସବୁ କିଛି ପ୍ରସ୍ତୁତ ହୋଇଯାଇଥିଲା, ହେଲେ ଫିଲ୍ମ ନିର୍ମାଣ ହୋଇନଥିଲା ଫିଲ୍ମ । ଯାହା ବିଷୟରେ ସେ ଜଣାଇଛନ୍ତି ।