ମୁମ୍ବାଇ: ହୋଲି ଅବସରରେ ବଲିଉଡର ସେଲିବ୍ରିଟି ପ୍ରଶଂସକ ଏବଂ ଘନିଷ୍ଠ ବନ୍ଧୁଙ୍କୁ ସୋସିଆଲ ମିଡିଆରେ ଶୁଭେଚ୍ଛା ଜଣାଇଛନ୍ତି। ଇତିମଧ୍ୟରେ ଅକ୍ଷୟ କୁମାରଙ୍କ ନାମ ଟ୍ବିଟରରେ ଟ୍ରେଣ୍ଡ କରୁଛି । ଯେଉଁଥିରେ ତାଙ୍କୁ ବୟକଟ କରିବା କଥା କୁହାଯାଉଛି । ତାଙ୍କ ଏକ ଟ୍ବିଟକୁ ଆଧାର କରି ଟ୍ରୋଲର୍ସ ତାଙ୍କ ଉପରେ କ୍ରୋଧିତ ନଜର ଆସୁଛନ୍ତି । ଏହାର କାରଣ ହେଉଛି ହୋଲିର ଟ୍ବିଟ। ହେଲେ ଅକ୍ଷୟ ମଧ୍ୟ କେଉଁ ଛାଡିବା ବ୍ୟକ୍ତି । ସେ ମଧ୍ୟ ଟ୍ରୋଲ ହେବା ପରେ ଝିଅ ନିତାରାଙ୍କ ସହ ଏକ ଫଟୋ ପୋଷ୍ଟ କରିଛନ୍ତି ।
କଥାଟି ହେଲା ଯେ ପ୍ରଥମ ଟ୍ବିଟରେ ଅକ୍ଷୟ ଲେଖିଥିଲେ, ‘ଡୁ ମି ଅ ଫେଭର ଲେଟ୍ସ ନଟ ପ୍ଲେ ହୋଲି । ନିଜକୁ ଏବଂ ନିଜ ପ୍ରିୟ ଲୋକଙ୍କୁ ସୁରକ୍ଷା ଦେବା ପାଇଁ ଘରେ ହୋଲି ଖେଳନ୍ତୁ । ସମସ୍ତଙ୍କୁ ହୋଲିର ଶୁଭେଚ୍ଛା’ କୋରୋନା ହେତୁ ଅନେକ ସେଲିବ୍ରିଟି ସମାନ ବାର୍ତ୍ତା ଦେଇଛନ୍ତି । ହେଲେ ଅକ୍ଷୟଙ୍କୁ ଟ୍ରୋଲ କରାଯାଉଛି । ଏହାସହ ଟ୍ରେଣ୍ଡ କରୁଛି ‘ହ୍ୟାସଟ୍ୟାଗ ବହିଷ୍କାର ଅକ୍ଷୟ କୁମାର’।