ଜନ୍ମଦିନରେ ସିଂଘମଙ୍କୁ ସ୍ପେଶାଲ ଗିଫ୍ଟ ଦେଲେ ଖିଲାଡି

ଭାଇରାଲ ହେଲା ଅକ୍ଷୟ କୁମାରଙ୍କ ଟ୍ବିଟ । ଏଥର ଅଜୟଙ୍କ ପାଇଁ ଖାସ୍ କଥା ଲେଖିଛନ୍ତି ସେ । ଅଧିକ ପଢନ୍ତୁ...

ମୁମ୍ବାଇ: ଶୁକ୍ରବାର ବି-ଟାଉନର ସିଂଘମ ଅଜୟ ଦେବଗନ 52 ବର୍ଷରେ ପଦାର୍ପଣ କରିଛନ୍ତି । ସେପଟେ ନିଜ ପସନ୍ଦୀୟ ଅଭିନେତାଙ୍କୁ ଜନ୍ମଦିନର ଶୁଭେଚ୍ଛା ସୋସିଆଲ ମିଡିଆରେ ଏଯାବତ ଦେଉଛନ୍ତି ଫ୍ୟାନ୍ସ । ହେଲେ ସୁପରଷ୍ଟାର ଅକ୍ଷୟ କୁମାର ଅଭିନେତାଙ୍କୁ ଜନ୍ମଦିନରେ ଦେଇଛନ୍ତି ଖାସ୍ ଉପହାର । ଏହି ଯୋଡି ବଲିଉଡକୁ ଏକାଠି ଦେଇଛନ୍ତି ଅନେକ ସୁପରହିଟ୍ ଫିଲ୍ମ ।

ନିଜ ସେଲିବ୍ରିଟି ଫ୍ରେଣ୍ଡଙ୍କୁ ୱିଶ କରିବାକୁ ଯାଉ ଅକ୍ଷୟ ଟ୍ବିଟରରେ ଏକ ଥ୍ରୋବ୍ୟାକ ଫଟୋ ପୋଷ୍ଟ କରିଥିଲେ । ଏହାସହ ଏବେକାର ଫଟୋ ମଧ୍ୟ କୋଲାଜ କରିଛନ୍ତି ଅକ୍ଷୟ ।

ସେହିପରି ଫଟୋର କ୍ୟାପସନରେ ସେ ଲେଖିଛନ୍ତି, ‘ସେହି ସମୟରୁ ଏଯାବତ । ତୁମ ଜଣେ ଶାନଦାର କୋ-ଷ୍ଟାର । ଜନ୍ମଦିନର ଅନେକ ଅନେକ ଶୁଭେଚ୍ଛା ଓ ଶୁଭକାମନା । ତୁମେ ବଳ ସହିତ ବଢିବା ଜାରି ରଖ । ତୁମ ପାଇଁ ବହୁତ ପ୍ରେମ ।’

ପ୍ରକାଶ ଥାଉକି ଅକ୍ଷୟ ଓ ଅଜୟ ଏକାଠି ଫିଲ୍ମ ‘ସୁହାଗ’, ‘ଇନସାନ୍’ ଓ ‘ଖାକି’ ଭଳି ଫିଲ୍ମରେ ଏକାଠି କାମ କରିସାରିଛନ୍ତି । ସେହିପରି ରୋହିତ ସେଟ୍ଟୀଙ୍କ ଆଗାମୀ ଫିଲ୍ମ ‘ସୂର୍ଯ୍ୟବଂଶୀ’ରେ ମଧ୍ୟ ଏହି ଦୁଇଜଣଙ୍କୁ ପୁଣି ଦେଖିବାକୁ ମିଳିବ ।