ମୁମ୍ବାଇ: ଆଜି ବି-ଟାଉନର ସିଂଘମ ଅଜୟ ଦେବଗନଙ୍କ 52ତମ ଜନ୍ମଦିନ । ଏହି ଅବସରରେ ତାଙ୍କୁ ଶାନଦାର ଉପହାର ଦେଇଛନ୍ତି ‘ବହୁବଳୀ’ ନିର୍ଦ୍ଦେଶକ ଏସଏସ ରାଜାମୌଲୀ । ତାଙ୍କ ବହୁ ପ୍ରତିକ୍ଷିତ ଫିଲ୍ମ ‘RRR’ରୁ ସେ ଅଜୟଙ୍କ ଫାଷ୍ଟଲୁକ ମୋଶନ ପୋଷ୍ଟର ଜାରି କରିଦେଇଛନ୍ତି । ଏହାକୁ ରିଲିଜ କରି ଫ୍ୟାନ୍ସଙ୍କୁ ମଧ୍ୟ ଖୁସ୍ କରିଛନ୍ତି ମେକର୍ସ ।
ଫିଲ୍ମରେ ଅଜୟ ଭୂମିକାର ନାଁର ଏଯାବତ ଖୁଲାସା ହୋଇନାହିଁ । ହେଲେ ଟ୍ବିଟରରେ ଏହି ମୋଶନ ପୋଷ୍ଟର ପୋଷ୍ଟ କରି ରାଜମୌଲି ଲେଖିଛନ୍ତି, ‘ଲୋଡ୍, ଏମ୍, ସୁଟ୍ । ସେ ଏହି ଫିଲ୍ମ ପାଇଁ ମତେ ଅଧିକ ଶକ୍ତି ଯୋଗାଇଛନ୍ତି । ଅଜୟ ଦେବଗନ ଫର୍ମ RRR ମୁଭି ।’
ସେପଟେ ଅଜୟ ମଧ୍ୟ ଇନଷ୍ଟାଗ୍ରାମରେ ସମାନ ପୋଷ୍ଟର ସେୟାର କରି ଲେଖିଛନ୍ତି, ‘ଲୋଡ୍, ଏମ୍, ସୁଟ୍ । ଧନ୍ୟବାଦ ଏସଏସ ରାଜାମୌଲୀ । ମୋତେ ଏପରି ଏକ ରୋମାଞ୍ଚକର ଏବଂ ଶକ୍ତିଶାଳୀ ଚରିତ୍ରରେ କଳ୍ପନା କରିଥିବାରୁ ।’
ପ୍ରକାଶ ଥାଉକି ବହୁ ଚର୍ଚ୍ଚିତ ଫିଲ୍ମ ‘RRR’ ଅଜୟଙ୍କ ବ୍ୟତୀତ କ୍ୟୁଟ ଆଲିୟା ଭଟ୍ଟ ମଧ୍ୟ ନଜର ଆସିବେ । ସେ ଏହି ଫିଲ୍ମ ଜରିଆରେ ସାଉଥ ଇଣ୍ଡଷ୍ଟ୍ରିରେ ଡେବ୍ୟୁ କରୁଛନ୍ତି । ସେପଟେ ଏହି କାଳ୍ପନିକ କାହାଣୀରେ ରାମ ଚରଣ ଏବଂ ଜୁନିଅର ଏନଟିଆର ସ୍ବାଧୀନ ସଂଗ୍ରାମୀ ଅଲୁରୀ ସୀତାରାମ ରାଜୁ ଏବଂ କୋମରାମ ଭୀମଙ୍କ ଆଇକନିକ ଭୂମିକାରେ ଅଭିନୟ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ