ସ୍ବର୍ଣ୍ଣ ମନ୍ଦିରରେ ମିଷ୍ଟର ପରଫେକ୍ସନିଷ୍ଟ

ସୁପରଷ୍ଟାର ଆମୀର ଖାନଙ୍କ ବହୁପ୍ରତିକ୍ଷିତ ଫିଲ୍ମ ‘ଲାଲ ସିଂ ଚଡ୍ଡା’ର ଆଗାମୀ ସୁଟିଂ ପଞ୍ଜାବରେ ହେବାକୁ ଯାଉଛି । ଯାହା ପାଇଁ ଶନିବାର ପୁରା ଫିଲ୍ମ ଟିମ ପଞ୍ଜାବରେ ପହଞ୍ଚିଛନ୍ତି । ଟିମ ସହ ଆମୀର ସ୍ବର୍ଣ୍ଣ ମନ୍ଦିର ଦର୍ଶନ କରିବାକୁ ପହଞ୍ଚିଥିଲେ । ଯାହାର ଅନେକ ଫଟୋ ସୋସିଆଲ ମିଡିଆରେ ବର୍ତ୍ତମାନ ଭାଇରାଲ ହୋଇଛି।

ଚଣ୍ଡିଗଢ: ବି-ଟାଉନର ମିଷ୍ଟର ପରଫେକ୍ସନିଷ୍ଟ ଆମୀର ଖାନ ଏବେ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ର ସୁଟିଂରେ ଖୁବ୍ ବ୍ୟସ୍ତ । ଫିଲ୍ମରେ ଆମୀରଙ୍କ ନୂଆ ଅବତାର ଦେଖିବାକୁ ପାଇବେ ଦର୍ଶକ। ଫିଲ୍ମ ସୁଟିଂରୁ ସମୟ କାଢି ଅମୃତସର ଫେମସ ସ୍ବର୍ଣ୍ଣ ମନ୍ଦିରରେ ଶନିବାର ପହଞ୍ଚିଯାଇଥିଲେ ଆମୀର। ‘ଲାଲ ସିଂ ଚଡ୍ଡା’ର ବାକି ସୁଟିଂ ପଞ୍ଜାବରେ ହେବାର ଅଛି।

ଫିଲ୍ମର ସୁଟିଂ ସହ ଆମୀର ଗୁରୁଦ୍ବାରା ଯାଇ ଭଗବାନଙ୍କ ଆଶୀର୍ବାଦ ନେଇଥିଲେ। ଯାହାର ଅନେକ ଫଟୋ ସୋସିଆଲ ମିଡିଆରେ ବର୍ତ୍ତମାନ ଖୁବ୍ ଦେଖିବାକୁ ମିଳୁଛି ।

ଫଟୋ ସୌଜନ୍ୟ: ଏଏନଆଇ

ପ୍ରକାଶ ଥାଉକି ସ୍ବର୍ଣ୍ଣ ମନ୍ଦିରରେ ଆମୀରଙ୍କ ସ୍ବାଗତ ମଧ୍ୟ ଶାନଦାର ଅନ୍ଦାଜରେ କରାଯାଇଥିଲା । ଏହବ୍ୟତୀତ ଆମୀରଙ୍କୁ ମନ୍ଦିର ସଦସ୍ୟଙ୍କ ତରଫରୁ ବହି ଉପହାର ସୂରପ ଦିଆଯାଇଛି । ‘ଲାଲ ସିଂ ଚଡ୍ଡା’ ଆସନ୍ତା ବର୍ଷ ଖ୍ରୀଷ୍ଟମାସ ଅବସରରେ ରିଲିଜ କରାଯିବ । ଯାହାର ଘୋଷଣା ନିକଟରେ ଆମୀର ଟ୍ବିଟରରେ ଫିଲ୍ମର ଏକ ମୋଶନ ପୋଷ୍ଟର ସେୟାର କରି କରିଥିଲେ। ଫିଲ୍ମରେ ପୁଣି ଆମୀରଙ୍କ ସହ ରୋମାନ୍ସ କରିବେ ବି-ଟାଉନର ବେବୋ କରୀନା କପୁର ଖାନ।