ୟଶରାଜ ଫିଲ୍ମରେ ଆମୀରଙ୍କ ଲାଡଲା

ବଲିଉଡରେ ଦେଖିବାକୁ ମିଳିବ ଆଉ ଏକ ନୂଆ ଚେହେରା । ଏଥର ଧୁମ ମଚାଇବେ ଆମୀରଙ୍କ ପୁଅ ଜୁନୈଦ । ୟଶରାଜ ଫିଲ୍ମ ତରଫରୁ ମିଳିଛି ଅଫର ।

ମୁମ୍ବାଇ: ସୁପରଷ୍ଟାର ଆମୀର ଖାନ ବର୍ତ୍ତମାନ ନିଜ ଆଗାମୀ ଫିଲ୍ମ ‘ଲାଲ ସିଂ ଚଡ୍ଡା’କୁ ନେଇ ଖୁବ୍ ବ୍ୟସ୍ତ । ଏହି ଫିଲ୍ମରେ ତାଙ୍କ ସହ ରୋମାନ୍ସ କରୁଥିବାର ନଜର ଆସିବେ କରୀନା କପୁର ଖାନ । ହେଲେ ଆମୀର ଏହି ଫିଲ୍ମ ସହ ଆଉ ଏକ କାରଣ ପାଇଁ ମଧ୍ୟ କିଛି ଦିନରୁ ଚର୍ଚ୍ଚାରେ । କଥାଟି ହେଲା ଯେ ସବୁ ଷ୍ଟାର୍ସ କିଡଙ୍କ ପରି ତାଙ୍କ ଲାଡଲା ଜୁନୈଦ ଖାନ ମଧ୍ୟ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏମିତି ଚର୍ଚ୍ଚା ବର୍ତ୍ତମାନ ବଲିଉଡ ଗ୍ୟାଲେରୀରେ ।

କଥାଟି ହେଲା ଯେ ଜୁନୈଦଙ୍କ ହାତରେ ଲାଗିଛି ୟଶରାଜ ଫିଲ୍ମ । ନିର୍ମାତା ନୀରଜ ପାଣ୍ଡେଙ୍କ ଅଡିଶନରେ ଫେଲ ହେବା ପରେ ୟଶରାଜ ଫିଲ୍ମସର କାଷ୍ଟିଂ ନିର୍ଦ୍ଦେଶକ ଶାନୁ ଶର୍ମାଙ୍କ ଦୟା ଜୁନୈଦ ଉପରେ ହୋଇଛି । ଏଥି ନିମନ୍ତେ ୟଶରାଜର ଆଗାମୀ ଫିଲ୍ମରେ ଜୁନୈଦଙ୍କୁ ଫାଇନାଲ କରାଯାଇଛି ।

ଏଯାବତ ଫିଲ୍ମକୁ ନେଇ ଅଧିକ ସୂଚନା ସାମ୍ନାକୁ ଆସିନାହିଁ । ହେଲେ ଜୁନୈଦ ନିର୍ଦ୍ଦେଶକ ସିଦ୍ଧାର୍ଥ ପି. ମଲହୋତ୍ରାଙ୍କ ନିର୍ଦ୍ଦେଶନାରେ ୟଶରାଜ ଫିଲ୍ମ କରିବେ ବୋଲି ଶୁଣିବାକୁ ମିଳୁଛି ।