ମୁମ୍ବାଇ: ମିଷ୍ଟର ପରକ୍ସେନିଷ୍ଟ ଆମୀର ଖାନଙ୍କ ଅନ୍ଦାଜ ସବୁଠୁ ନିଆରା । ରିଲ ଲାଇଫ ହେଉ କିମ୍ବା ରିୟଲ ଲାଇଫ ବିନ୍ଦାସ ତାଙ୍କ ରୂପ ଦେଖିବାକୁ ମିଳେ। ଅନ୍ୟ ଷ୍ଟାର୍ସଙ୍କ ଭଳି ସେ ମଧ୍ୟ ସୋସିଆଲ ମିଡିଆରେ ସାମିଲ ଅଛନ୍ତି । ହେଲେ ଅଧିକ ଆକ୍ଟିଭ ନଜର ଆସନ୍ତି ନାହିଁ । ଯେବେ କୌଣସି ସୂଚନା ଦେବାର ଥାଏ ତାଙ୍କୁ ସୋସିଆଲ ମିଡିଆରେ ଦେଖିବାକୁ ମିଳେ । ହେଲେ ଏବେ ତାଙ୍କ ଦ୍ବାରା ସେୟାର ହୋଇଥିବା ଏକ ଭିଡିଓର ଚର୍ଚ୍ଚା ସବୁଆଡେ । ଯାହାର ଖୁବ୍ ପ୍ରଶଂସା ମଧ୍ୟ କରାଯାଉଛି ।
କଥାଟି ହେଲା ଯେ ଇନଷ୍ଟାଗ୍ରାମରେ ଆମୀର ଏକ ଭିଡିଓ ସଙ୍ଗ ପୋଷ୍ଟ କରିଛନ୍ତି । ଯାହା ତାଙ୍କ ଅଭିନୀତ ଫିଲ୍ମ ‘ତାରେ ଜମିନ ପର’ ଟାଇଟେଲ ଟ୍ରାକକୁ ରିକ୍ରିଏଟ କରି ନିର୍ମାଣ କରାଯାଇଛି । ଏହା ଏକ ମ୍ୟାସଅପ ଭିଡିଓ । ପେନ ମସାଲା ନାମ ମ୍ୟୁଜିକ ଗ୍ରୁପ ଏହାକୁ ନିର୍ମାଣ କରିଛି । ଏହି ଟାଇଟେଲ ଟ୍ରାକକୁ ହଲିଉଡର ଫେମସ ବ୍ୟାଣ୍ଡ କୋଲ୍ଡପ୍ଲେଙ୍କ ଗୀତ ‘ପାରାଡାଇସ’ ସହ ମ୍ୟାସଅପ କରାଯାଇଛି । ସେହିପରି ଗୀତକୁ ଗାଇଛନ୍ତି ଗ୍ରୁପ ମେମ୍ବର ଅଜୟ ବଶିଷ୍ଟ ଓ ଦେବ ସୌର୍ଯ୍ୟ ସିଂଘଲ ।