ସିନେମା ହଲ ଅପେକ୍ଷାରେ ଆମୀର

ମଙ୍ଗଳବାର ଫିଲ୍ମ ଦେଖିବାକୁ ସିନେମା ହଲରେ ପହଞ୍ଚିଥିଲେ ମିଷ୍ଟର ପରଫେକ୍ସନିଷ୍ଟି ଆମୀର । ଲକଡାଉନ ପରେ ପ୍ରଥମ ନୂଆ ଫିଲ୍ମ ରୂପେ ରିଲିଜ ହୋଇଛି କମେଡି ଡ୍ରାମା ଫିଲ୍ମ ‘ସୁରଜ ପେ ମଙ୍ଗଲ ଭାରି’ ।

ମୁମ୍ବାଇ: ଲକଡାଉନ ପରେ ଦେଶରେ ସିନେମାହଲ ଖୋଲିବା ପରେ ଏବର୍ଷର ପ୍ରଥମ ରିଲିଜ ହୋଇଛି ଦିଲଜିତ ଦୋସାଞ୍ଝ,ଫାତିମା ସନା ସେଖ ଓ ମନୋଜ ବାୟପେୟୀଙ୍କ ଚର୍ଚ୍ଚିତ ଫିଲ୍ମ ‘ସୁରଜ ପେ ମଙ୍ଗଲ ଭାରି’ । ଦୀର୍ଘ ସମୟରୁ ବଡ ପରଦାରେ ଫିଲ୍ମ ଦେଖିବାକୁ ଉତ୍ସାହିତ ଥିବା ଦର୍ଶକଙ୍କୁ ଏବେ ଶାନ୍ତି ମିଳିଛି । କାରଣ ଧିରେ ଧିରେ ଏଥର ସବୁ ଫିଲ୍ମ ବଡ ପରଦାରେ ଦେଖିପାରିବେ ସମସ୍ତେ । ହେଲେ ମଜାଦାର କଥା ହେଲା ଯେ ସୁପରଷ୍ଟାର ଆମୀର ଖାନ ମଧ୍ୟ ସିନେମାହଲରରେ ଏହି ଫିଲ୍ମ ଦେଖିବାକୁ ପହଞ୍ଚିଥିଲେ । ଏତେ ଦିନ ପରେ ବଡ ପରଦାରେ ଫିଲ୍ମ ଦେଖିବାକୁ ନେଇ ସେ ମଧ୍ୟ ବେଶ୍ ଉତ୍ସାହିତ ।

ଆଉ ଟ୍ବିଟରରେ ଏହାର ସୂଚନା ଦେଇ ଲେଖିଥିଲେ, ‘ମୁଁ ଏବେ ରାସ୍ତାରେ ଅଛି ସିନେମାହଲରେ ‘ସୁରଜ ପେ ମଙ୍ଗଲ ଭାରୀଙ୍କୁ ଦେଖିବା ପାଇଁ | ପ୍ରକୃତରେ ବଡ ପରଦା ଅଭିଜ୍ଞତାକୁ ଅପେକ୍ଷା ଏତେ ଦିନ ପରେ ।’ ସିନେମାହଲରେ ଯାଉଥିବା ସମୟରେ ଆମୀରଙ୍କ କିଛି ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା ।

ସେ ଖୁବଶୀଘ୍ର ନିଜର ବହୁ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ ନେଇ ପରଦାକୁ ଫେରିବେ । ତାଙ୍କ ଅପୋଜିଟ ନଜର ଆସିବେ କରୀନା କପୁର ଖାନ । ଫିଲ୍ମର ସୁଟିଂ ନିକଟରେ ଶେଷ କରିଥିଲେ କରୀନା । ହଲିଉଡର ସୁପରଡୁପରହିଟ୍ ଫିଲ୍ମ ‘ଫରେଷ୍ଟ ଗମ୍ପ’ର ଏହା ହିନ୍ଦୀ ରିମେକ ।