ମୁମ୍ବାଇ: ବି-ଟାଉନର ମିଷ୍ଟର ପରଫେକ୍ସନିଷ୍ଟ ଆମୀର ଖାନଙ୍କୁ ନେଇ ସାମ୍ନାକୁ ଆସିଲା ବଡ ଖବର । ଏଥର ସେ ଅଭିନୟ ଛାଡି ଚେସ୍ ଖେଳିବାକୁ ଯାଉଛନ୍ତି । କାରଣ ଅଭିନୟ ସହ ସେ ଚେସ୍ ଖେଳରେ ମଧ୍ୟ ମାହିର । ଏଥିପାଇଁ ସେ ଖୁବଶୀଘ୍ର ପାଞ୍ଚ ଥର ବିଶ୍ବ ଚାମ୍ପିଅନସିପ୍ ଜିତିଥିବା ବିଶ୍ବନାଥ ଆନନ୍ଦଙ୍କ ସହ ଚେସ୍ ଖେଳୁଥିବା ଦେଖିବାକୁ ମିଳିବ । ଏହି ଦୁଇ ସେଲିବ୍ରିଟି ପରସ୍ପରକୁ କଡା ଟକ୍କର ଦେବାକୁ ଯାଉଛନ୍ତି ।
ବର୍ତ୍ତମାନ ଭାଇରାଲ ହେଉଥିବା ପୋଷ୍ଟରେ ଦୁଇଜଣଙ୍କ ଫଟୋ ଦେଖିବାକୁ ମିଳୁଛି । ଆଉ ଏଥିରେ ଲେଖାଯାଇଛି, ‘ତୁମେ ସମସ୍ତେ ଅପେକ୍ଷା କରିଥିବା ମୁହୂର୍ତ୍ତ । ପୂର୍ବତନ ବିଶ୍ବ ଚାମ୍ପିୟନ ବିଶ୍ବଆନନ୍ଦଙ୍କ ବିପକ୍ଷରେ ଏକ ପ୍ରଦର୍ଶନୀ ମ୍ୟାଚ୍ ଖେଳିବେ ସୁପରଷ୍ଟାର ଆମୀର ଖାନ । ଯାହା ଆସନ୍ତା 13 ତାରିଖର ସନ୍ଧ୍ୟା 5ଟାରୁ ନେଇ ରାତି 8 ପର୍ଯ୍ୟନ୍ତ ଚାଲିବ ।’