ମୁମ୍ବାଇ: ଲୋକପ୍ରିୟ ନିର୍ଦ୍ଦେଶକ ଏସଏସ ରାଜାମୌଲୀ ମେଗା ବଜେଟ ଫିଲ୍ମ 'ଆରଆରଆର'(RRR)ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମ ମଧ୍ୟ ତାଙ୍କର ପୂର୍ବ ଫିଲ୍ମ 'ବାହୁବଳୀ' ଏବଂ 'ବାହୁବଳୀ-2' ଭଳି ମେଗା ବଜେଟ ଫିଲ୍ମ । ଏଥିରେ ଅଭିନେତା ଜୁନିୟର ଏନଟିଆର ଓ ରାମଚରଣ ତେଜା ମୁଖ୍ୟ ଭୂମିକାରେ ନଜର ଆସିବେ । କିଛି ଦିନ ପୂର୍ବରୁ ଚର୍ଚ୍ଚା ଥିଲା କି ରାଜାମୌଲୀ ଫିମେଲ ଲିଡ ପାଇଁ ତାମିଲ, ତେଲୁଗୁ ଏବଂ ବଲିଉଡ ଆକ୍ଟ୍ରେସଙ୍କ ତଲାସରେ ଅଛନ୍ତି ।
ଇତିମଧ୍ୟରେ ବଲିଉଡର କ୍ୟୁଟ ଅଭିନେତ୍ରୀ ଆଲିୟା ଭଟ୍ଟ ଓ ପରିଣୀତି ଚୋପ୍ରାଙ୍କୁ ଆପ୍ରୋଚ କରିଥିଲେ । କିନ୍ତୁ ଦୁଇଜଣଙ୍କ ଭାରି ଫିସ୍ ପାଇଁ ଏହା ସମ୍ଭବ ହେବା ପାଇଁ ସମୟ ଲାଗିପାରେ।
ନୂଆ ଖବର ଅନୁଯାୟୀ ରାଜାମୌଲୀ ଫିଲ୍ମରେ ଆଲିୟାଙ୍କୁ କାଷ୍ଟ କରିବା ପାଇଁ ଅଧିକରୁ ଅଧିକ ଫିସ୍ ଦେବାକୁ ମଧ୍ୟ ରାଜି ଅଛନ୍ତି । କୁହାଯାଇଛି ଯେ ରାଜାମୌଲୀ ଫିଲ୍ମ ନିର୍ମାତା କରନ ଜୋହରଙ୍କ ଜରିଆରେ ଆଲିୟାଙ୍କ ସହ ସମ୍ପର୍କ କରିଥିଲେ । କିନ୍ତୁ ଆଲିୟା ଅନେକ ପ୍ରୋଜେକ୍ଟରେ ବ୍ୟସ୍ତ ଥିବା ଯୋଗୁ ଏହି ଅଫରକୁ ସ୍ବୀକାର କରିନାହାଁନ୍ତି ।
ପ୍ରକାଶ ଥାଉକି ପୁରା ଟିମ ଫିଲ୍ମର ସୁଟିଂର ଦ୍ବିତୀୟ ସିଡ୍ୟୁଲର ପ୍ରସ୍ତୁତିରେ ଅଛନ୍ତି । ଏବେ ଏହି ସିଡ୍ୟୁଲ କୋଲକାତାରେ ସୁଟ କରାଯିବ । 45 ଦିନ ପର୍ଯ୍ୟନ୍ତ ସୁଟିଂ ଚାଲିବ । ଫିଲ୍ମରେ ତିନି ଫିମେଲ ଲିଡ ଦେଖାଯିବେ । ଜଣାଇ ଦେଉଛୁ ଯେ 'RRR' ଫିଲ୍ମର ବଜେଟ ପାଖାପାଖି 300 କୋଟି କୁହାଯାଇଛି । ଏବେ ଦେଖିବା ବାକି ରହିଲା କି ଆଲିୟା ଫିଲ୍ମ ପାଇଁ ରାଜି ହେବ କି ନାହିଁ ।
