ନୂଆଦିଲ୍ଲୀ: ନୂଆ ବର୍ଷ 2021ରେ ବଲିଉଡର କିଙ୍ଗ ଖାନ ଶାହାରୁଖ ଖାନ ତାଙ୍କ ପ୍ରଶଂସକଙ୍କ ପାଇଁ ଏକ ନୂଆ ଭିଡିଓ ପୋଷ୍ଟ କରିଛନ୍ତି । ଏହି ଭିଡିଓ ସହିତ ସେ ଶେଷରେ ସୂଚାଇ ଦେଇଛନ୍ତି ଯେ ତାଙ୍କୁ ଚଳିତ ବର୍ଷ ବଡ ପରଦାରେ ଦେଖିବାକୁ ମିଳିବ ।
ଶାହାରୁଖ ଗୋଟିଏ ଦିନ ବିଳମ୍ବରେ ତାଙ୍କ ପ୍ରଶଂସକମାନଙ୍କୁ ନୂତନ ବର୍ଷର ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଯେ ତାଙ୍କ ଟିମ ତାଙ୍କ ସହିତ ନାହାଁନ୍ତି ଏବଂ ସେ ନିଜେ ସବୁ କିଛି କରୁଛନ୍ତି ।
ଶାହାରୁଖ ତାଙ୍କ ଭିଡିଓରେ ନାଇଟ୍ ସୁଟ୍ ପିନ୍ଧି କହିଛନ୍ତି ଯେ, 2020 ବର୍ଷ ସମସ୍ତଙ୍କ ପାଇଁ ଖରାପ ଥିଲା । ମୁଁ ବିଶ୍ବାସ କରେ ଯେ ଯେତେବେଳେ କିଏ ନିଜ ଜୀବନରେ ବହୁତ ତଳକୁ ଖସିଯାଏ, ସେତେବେଳେ ତାଙ୍କର ପାଖରେ କେବଳ ଗୋଟିଏ ଉପାୟ ଥାଏ ଏବଂ ତାହା ହେଉଛି ଉପରକୁ ଉଠିବା । ମୁଁ ପ୍ରାର୍ଥନା କରୁଛି ଯେ 2021 ସମସ୍ତଙ୍କ ପାଇଁ ବହୁତ ଭଲ ରହୁ ।