ମୁମ୍ବାଇ: ପୁଣି କୋଟି କୋଟି ଫ୍ୟାନ୍ସଙ୍କ ହୃଦୟ ଜିତିଛନ୍ତି ବଲିଉଡ଼ର କିଙ୍ଗ ଖାନ ଶାହାରୁଖ । ବିପଦରେ ପଡ଼ିଥିବା ଭାରତୀୟ ପ୍ରଫେସରଙ୍କୁ ସାହାଯ୍ୟ କରିଥିବା ତାଙ୍କ ଇଜିପ୍ଟର ଏକ ଫ୍ୟାନଙ୍କୁ ସେ ଜଣାଇଛନ୍ତି କୃତଜ୍ଞତା । ଏଥିଲାଗି ସେ ନିଜର ଅଟୋଗ୍ରାଫ ଫଟୋ , ନିଜ ହସ୍ତଲେଖା ନୋଟ୍ ସହିତ ପଠାଇଛନ୍ତି ଉପହାର । କିଙ୍ଗ ଖାନଙ୍କ ଏହି କାର୍ଯ୍ୟ ପରେ ତାଙ୍କ ସ୍ବିଟନେସ୍କୁ ସୋସିଆଲ ମିଡ଼ିଆରେ ଖୁବ ପ୍ରଶଂସା କରିଛନ୍ତି ଫ୍ୟାନ୍ସ ।
ଗତ ଡିସେମ୍ବର ୩୧ ତାରିଖରେ ଭାରତୀୟ ପ୍ରଫେସର ଅଶ୍ବିନୀ ଦେଶପାଣ୍ଡେଙ୍କୁ ଜଣେ ଇଜିପ୍ଟ ଦେଶର ଟ୍ରାଭେଲ ଏଜେଣ୍ଟ ସାହାଯ୍ୟ କରିଥିଲେ । ପ୍ରଫେସର ଜଣକ କୌଣସି ଟଙ୍କା ନେଣଦେଣ ସମସ୍ୟାରେ ଫସି ଯାଇଥିଲେ । ପ୍ରଫେସର ଶାହାରୁଖ ଖାନଙ୍କ ଦେଶରୁ ହୋଇଥିବାରୁ ଉକ୍ତ ଟ୍ରାଭେଲ ଏଜେଣ୍ଟ ତାଙ୍କୁ ସାହାଯ୍ୟ କରିଥିଲେ । ସେହି ଟ୍ରାଭେଲ ଏଜେଣ୍ଟ ଜଣକ ଶାହାରୁଖ ଖାନଙ୍କ ବଡ଼ ପ୍ରଶଂସକ । ସେ ଶାହାରୁଖଙ୍କ ପାଇଁ କିଛି ବି କରିବେ ବୋଲି କହି ପ୍ରଫେସରଙ୍କୁ ସାହାଯ୍ୟ କରିଥିଲେ । ତେବେ ଏହାକୁ ପ୍ରଫେସର ଅଶ୍ବିନୀ ନିଜ ଟ୍ବିଟର ଆକାଉଣ୍ଟରେ ସେୟାର କରିଥିଲେ ।
ଏହା ବି ପଢନ୍ତୁ: ସାରାଙ୍କ ଭ୍ୟାନିଟ ଭ୍ୟାନରେ BLAST, ଉଡ଼ିଲା ଅଭିନେତ୍ରୀଙ୍କ ହୋସ୍