ମୁମ୍ବାଇ: ରେଭ ପାର୍ଟି ଓ ଡ୍ରଗ୍ସ କାରବାର ମାମଲାରେ ବିଚାର ବିଭାଗୀୟ ହାଜତରେ ଅଛନ୍ତି ଆର୍ୟାନ ଖାନ । ସୁପୁତ୍ର ଆର୍ୟାନ ଖାନ ଜେଲ ଯିବା ପରେ ଚାପଗ୍ରସ୍ତ ଶାହାରୁଖ ଖାନ ଓ ଗୌରୀ ଖାନ । ଏହି ସମୟରେ ଦମ୍ପତ୍ତିଙ୍କ ସମର୍ଥନ କରିଛି ବଲିଉଡ । ବହୁ ବଲିଉଡ ଫିଲ୍ମ କଳାକାର ଶାହାରୁଖଙ୍କ ସମର୍ଥନ କରିଛନ୍ତି ।
ସଙ୍ଗୀତ ନିର୍ଦ୍ଦେଶକ ବିଶାଳ ଦଦଲାନି, ଅଭିନେତା ଶେଖର ସୁମନ, ଅଭିନେତା ରାଜ୍ ବବର ଶାହାରୁଖଙ୍କ ସମର୍ଥନ କରି ଜଣେ ଯୋଦ୍ଧାଙ୍କ ସହ ତୁଳନା କରିଛନ୍ତି । ଗତ ଅକ୍ଟୋବର ୩ ତାରିଖରେ ଆର୍ୟାନଙ୍କ ସହ ଅନ୍ୟ ୭ ଜଣଙ୍କ ସହ ଡଗ୍ସ କ୍ରୁଜ ପାର୍ଟିରୁ ଗିରଫ କରିଥିଲା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ । ମୁମ୍ବାଇ କୋର୍ଟ ତାଙ୍କ ଜାମିନ ଆବେଦନ ଖାରଜ ହେବା ପରେ ସେ ବର୍ତ୍ତମାନ ଆର୍ଥର ରୋଡ ଜେଲରେ ଅଛନ୍ତି ।
ଏହାକୁ ନେଇ ରାଜ୍ ବବର ଟ୍ବିଟ୍ କରି ଲେଖିଛନ୍ତି ଯେ, "ନିଜ ଜୀବନରେ ବହୁ ସଂଘର୍ଷ କରିଛନ୍ତି ଶାହାରୁଖ । ଏଥିପାଇଁ ସାରା ବିଶ୍ବରେ ସେ ଶାହାରୁଖ ନାମରେ ପରିଚିତ । ସେ କୌଣସି ଯୋଦ୍ଧାଠୁ କମ୍ ନୁହଁନ୍ତି । ତାଙ୍କ ପୁଅ ପାଇଁ ଏବେ ଲଢ଼ିବା ସମୟ ଆସିଛି । ଦୁନିଆ ତାଙ୍କୁ ଆଜି କାଠଗଡ଼ାରେ ଠିଆ କରିଛି । ନିଶ୍ଚିତ ଭାବରେ ସେ ଯୋଦ୍ଧା ଲଢ଼ିବେ ବୋଲି ମୋର ଆଶା ।"