ମୁମ୍ବାଇ: କୋରୋନା ମହାମାରୀ ହେତୁ ସ୍ଥିଗତ ଥିବା ସାଉଥର ଫେମସ ଅଭିନେତା ରାଣା ଦଗ୍ଗୁବତୀଙ୍କ ଆକ୍ସନ ଡ୍ରାମା ଫିଲ୍ମ ‘ହାତୀ ମେରେ ସାଥୀ’କୁ ନେଇ ଚର୍ଚ୍ଚା । ଦର୍ଶକଙ୍କ ପାଇଁ ସାମ୍ନାକୁ ଆସିଲା ଗୁଡନ୍ୟୁଜ । କାରଣ ଘୋଷଣା ହୋଇଯାଇଛି ଫିଲ୍ମର ରିଲିଜ ତାରିଖ । ଆସନ୍ତା ବର୍ଷ ମକର ସଂକ୍ରାନ୍ତିରେ ପରଦାରେ ଦେଖିବାକୁ ମିଳିବ ଫିଲ୍ମ।
ପୂର୍ବରୁ ଇରୋଜ୍ ଇଣ୍ଟରନ୍ୟାସନାଲ ଏବଂ ନିର୍ଦ୍ଦେଶକ ପ୍ରଭୁ ସୋଲେମନ ବିଶ୍ବ ସ୍ଥରରେ ଏବର୍ଷ ଏପ୍ରିଲ 2ରେ ଫିଲ୍ମକୁ ତାମିଲ, ତେଲୁଗୁରେ ରିଲିଜ କରିବା ଘୋଷଣା କରିଥିଲେ । ହେଲେ କୋରୋନା ପାଇଁ ଏହା ସମ୍ଭବ ହୋଇପାରିନଥିଲା ।
2021 ଜାନୁଆରୀରେ ଫିଲ୍ମ ରିଲିଜ କରିବା ଘୋଷଣା କରି ମେକର୍ସ କହିଛନ୍ତି, ‘ଯେବେ ମଧ୍ୟ ଘାତକ ମହାମାରୀରେ ଆମେ ଲଢୁଛେ ତେବେ ବି ଆମକୁ ଜଙ୍ଗଲର ସମ୍ମାନ କରିବାକୁ ପଡିଥାଏ । ତେଣୁ ଏହାକୁ ଦୃଷ୍ଟିରେ ରଖି ଫିଲ୍ମ ହାତୀ ମେରେ ସାଥୀ 2021 ମକର ସଂକ୍ରାନ୍ତିରେ ରିଲିଜ କରିବାକୁ ଯୋଜନା କରିଛୁ ।’ ସେପଟେ ରାଣା ଟ୍ବିଟରରେ ଫିଲ୍ମର ନୂଆ ମୋଶନ ପୋଷ୍ଟର ମଧ୍ୟ ସେୟାର କରିଛନ୍ତି ।
ରାଣାଙ୍କ ବ୍ୟତୀତ ଫିଲ୍ମରେ ପୁଲକିତ ସମ୍ରାଟ, ଶ୍ରିୟା ପିଲଙ୍ଗାୱକର ଏବଂ ଜୋୟା ହୁସୈନ ମୁଖ୍ୟ ଭୂମିକାରେ ନଜର ଆସିବେ । ମଣିଷ ସହ ପ୍ରକୃତିର ସମ୍ପର୍କ ଆଉ ଜୀବଜନ୍ତୁ ପ୍ରତି ଥିବା ଭାବନା କାହାଣୀକୁ ନେଇ ଆଧାରିତ ଫିଲ୍ମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
