ମୁମ୍ବାଇ: ସାଉଥ ସୁପରଷ୍ଟାର ପ୍ରଭାସଙ୍କୁ ନେଇ କିଛି ଦିନ ହେବ ଚର୍ଚ୍ଚା ଚାଲିଛି । ତାଙ୍କ ଆଗାମୀ ଫିଲ୍ମକୁ ନେଇ ଏକ୍ସାଇଟେଡ ଫ୍ୟାନ୍ସ । ଇତିମଧ୍ୟରେ ସେ ଫ୍ୟାନ୍ସଙ୍କୁ ବଡ ସରପ୍ରାଇଜ ଦେଇଛନ୍ତି । ସେ ନିଜର ଆଗାମୀ ପ୍ରୋଜେକ୍ଟର ଘୋଷଣା କରିଛନ୍ତି । ଆଜ୍ଞା ହଁ, ସେ ଖୁବଶୀଘ୍ର ଓମ ରାଉତଙ୍କ ଅପକମିଂ ଫିଲ୍ମ ‘ଆଦିପୁରୁଷ’ରେ ନଜର ଆସିବେ । ନିର୍ଦ୍ଦେଶକ ଓମ ବି-ଟାଉନର ସିଂଘମ ଅଜୟ ଦେବଗନଙ୍କ ଫେମସ ଫିଲ୍ମ ‘ତାନାଜୀ’ର ନିର୍ଦ୍ଦେଶନା ଦାୟିତ୍ବ ତୁଲାଇଥିଲେ ।
ଏହି ଘୋଷଣା କରି ପ୍ରଭାସ ଫିଲ୍ମ ‘ଆଦିପୁରୁଷ’ର ନୂଆ ପୋଷ୍ଟର ଜାରି କରିଦେଇଛନ୍ତି । ଇନଷ୍ଟାଗ୍ରାମରେ ପୋଷ୍ଟର ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଖରାପ ଉପରେ ଭଲ ସେଲିବ୍ରେଟ କରିବା ।’ ଏଯାବତ ଫିଲ୍ମରୁ ତାଙ୍କ ଲୁକ ସାମ୍ନାକୁ ଆସିନାହିଁ ।