ମୁମ୍ବାଇ: ଖୁବଶୀଘ୍ର ପ୍ରେକ୍ଷାଳୟକୁ ଆସୁଛି ସୁପରଷ୍ଟାର ଅକ୍ଷୟ କୁମାରଙ୍କ ଅଭିନୀତ 'Sooryavanshi' ଫିଲ୍ମ । ଏହାର ରିଲିଜ ତାରିଖ ଘୋଷଣା ହୋଇଛି । ତେବେ ଆସନ୍ତା ନଭେମ୍ବର ୫ ତାରିଖରେ ଦର୍ଶକ ଥିଏଟରରେ ଫିଲ୍ମଟିକୁ ଦେଖିପାରିବେ । ଏହି ଦିନ ବିଶ୍ବସ୍ତରରେ ଥିଏଟରରେ ଫିଲ୍ମ ରିଲିଜ ହେବ ।
'ସୂର୍ଯ୍ୟବଂଶୀ' ଚଳିତ ଦୀପାବଳିରେ ରିଲିଜ ହେବ ବୋଲି ନିର୍ଦ୍ଦେଶକ ରୋହିତ ସେଟ୍ଟୀ ଗତ ମାସରେ ଘୋଷଣା କରିଥିଲେ । ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଥିଏଟରରେ ଫିଲ୍ମ ରିଲିଜ ହେବା ନେଇ ଅନୁମତି ଦେବା ପରେ ନିର୍ଦ୍ଦେଶକ ରୋହିତ ଏ ସମ୍ପର୍କରେ ଘୋଷଣା କରିଥିଲେ । ଆସନ୍ତା ଅକ୍ଟୋବର ୨୨ ତାରିଖଠାରୁ ଫିଲ୍ମଗୁଡିକ ମହାରାଷ୍ଟ୍ରରେ ଥିଏଟରରେ ରିଲିଜ ହେବାକୁ ଯାଉଛି । ଏ ନେଇ ସୁପରଷ୍ଟାର ଅକ୍ଷୟ କୁମାର ଏକ ସର୍ଟ ଭିଡ଼ିଓ ସୋସିଆଲ ମିଡ଼ିଆରେ ସେୟାର କରିଛନ୍ତି । ଯେଉଁଥିରେ ସେ ସହକଳାକାର ଅଜୟ ଦେବଗନ ଓ ରଣବୀର ସିଂଙ୍କ ସହିତ ନଜର ଆସିଛନ୍ତି ।