ନୂଆଦିଲ୍ଲୀ: ଦେଶରେ କୋରୋନା ଭାଇରସ ମାମଲା ହୁହୁ ହୋଇ ବଢିବାରେ ଲାଗିଛି । ବହୁ ଚଳଚ୍ଚିତ୍ର ତାରକା କୋରୋନା ମହାମାରୀରେ ଆକ୍ରାନ୍ତ ହେଉଛନ୍ତି । ଅନେକ ତାରକା ଏହି ମହାମାରୀକୁ ପରାସ୍ତ କରିଥିବାବେଳେ କିଛି ତାରକା ଅଛନ୍ତି ଯିଏ ଏବେ ମଧ୍ୟ କୋରୋନା ସଂକ୍ରମିତ ହେଉଛନ୍ତି ।
ଏସବୁ ମଧ୍ୟରେ ଶୁକ୍ରବାର ବଲିଉଡ ଅଭିନେତା ସୋନୁ ସୁଦଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି । ତାଙ୍କ କୋଭିଡ -19 ରିପୋର୍ଟ ନେଗେଟିଭ ଆସିଛି । ଏହି ସୂଚନା ସୋନୁ ନିଜେ ସୋସିଆଲ ମିଡିଆରେ ଦେଇଛନ୍ତି ।