ହାଇଦ୍ରାବାଦ: କାହାର ଜୀବନ ବଞ୍ଚାଇବା ମାନବିକତାର ସବୁଠାରୁ ବଡ ଉଦାହରଣ । ଯିଏ ଜୀବନ ରକ୍ଷା କରେ, ସେ କୌଣସି ଈଶ୍ବରଙ୍କ ଠାରୁ କମ୍ ନୁହେଁ । ବଲିଉଡ ଅଭିନେତା ସୋନୁ ସୁଦ ପ୍ରକୃତରେ ଲୋକଙ୍କ ପାଇଁ ଏକ 'ଭଗବାନ'ଙ୍କ ସ୍ବରୂପ । ଅଭିନେତା କେବଳ ଅନେକ ମଣିଷର ଜୀବନକୁ ପରିବର୍ତ୍ତନ କରିନାହାଁନ୍ତି, ବରଂ ଅନେକଙ୍କୁ ନୂଆ ଜୀବନ ଦେବାରେ ମଧ୍ୟ ସାହାଯ୍ୟ କରିଛନ୍ତି । ଅଜ୍ଞାତ ଲୋକଙ୍କୁ ସାହାଯ୍ୟ କରି ଆଗରେ ଥିବା ବଲିଉଡ ଷ୍ଟାର ସୋନୁ ସୁଦ ଏବେ ପୁଣି ଥରେ ଜୀବନ ବଞ୍ଚାଇ ଉଦାହରଣ ସୃଷ୍ଟି କରିଛନ୍ତି ।
ଏହି ଘଟଣା ପଞ୍ଜାବର ମୋଗା ସହରର କୋଟକପୁରା ବାଇପାସ୍ ଅଟେ । ଏଠାରେ ଜଣେ ଯୁବକଙ୍କର କାର ଦୁର୍ଘଟଣାଗ୍ରସ୍ତ ହୋଇଥିଲା । ଏହି ସମୟରେ ସେହି ରାସ୍ତା ଦେଇ ଯାଉଥିବା ସୋନୁ ସୁଦ ସଙ୍ଗେ ସଙ୍ଗେ ଅଟକି ଯାଇ ସାହାଯ୍ୟ କରିଥିଲେ। ଦୁର୍ଘଟଣାରେ ଆହତ ଯୁବକଙ୍କୁ ସୋନୁ ନିଜେ କାରରୁ ବାହାର କରି ଡାକ୍ତରଖାନା ନେଇଥିଲେ। ମଙ୍ଗଳବାର ବିଳମ୍ବିତ ରାତିରେ ଏହି ଘଟଣା ଘଟିଛି।