ସଲମାନଙ୍କୁ ନେଇ ସୋନୁଙ୍କ ବଡ ଖୁଲାସା, ଆଶ୍ଚର୍ଯ୍ୟ ଫ୍ୟାନ୍ସ

ଏବେ ନିଜ ଭିଡିଓକୁ ନେଇ ଚର୍ଚ୍ଚାର ବିଷୟ ପାଲଟିଛନ୍ତି ସୋନୁ । ଏଥର ସେ ସଲମାନ ଖାନଙ୍କ ବିଷୟରେ ଖୁଲାସା କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି।

ମୁମ୍ବାଇ: ବଲିଉଡର ଫେମସ ପ୍ଲେବ୍ୟାକ ସିଙ୍ଗର ସୋନୁ ନିଗମ ବର୍ତ୍ତମାନ ଚର୍ଚ୍ଚାରେ । ସେ ନିଜର ଏକ ଭିଡିଓରେ ଅନେକ କଥାର ଖୁଲାସା କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ଆଉ ଭିଡିଓରେ ଜଣାଇଛନ୍ତି ଆଜି ଆପଣ ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଖବର ଶୁଣି ଚକିତ । ହୁଏତଃ କାଲି କୌଣସି ଗାୟକ, ଗାୟିକା କିମ୍ବା ମ୍ୟୁଜିକ କମ୍ପୋଜରର ଆତ୍ମହତ୍ୟା ଖବର ଶୁଣିପାରନ୍ତି ।

ଏବେ ସୋନୁଙ୍କ ଏପରି କଥାକୁ ନେଇ ଦୁଃଖିତ ତାଙ୍କ ଫ୍ୟାନ୍ସ । ସୋନୁ ସ୍ପଷ୍ଟ ରୂପେ ଜଣାଇଛନ୍ତି ମ୍ୟୁଜିକ ଇଣ୍ଡଷ୍ଟ୍ରିରେ ବଡ ମାଫିଆଗିରି ଚାଲିଛି । ଆଉ ଦୁଇଟି କମ୍ପାନୀ ଏମିତି ଅଛି ଯିଏ ନିଷ୍ପତ୍ତି ନେଉଛି କେଉଁ ଗାୟକ, ଗାୟିକା ଗାଇବେ ଆଉ ଗାଇବେ ନାହିଁ ।

ସେପଟେ ସୋନୁ ସୁପରଷ୍ଟାର ସଲମାନ ଖାନଙ୍କ ନାମ ନନେଇ ଅନେକ କଥାର ଖୁଲାସା କରିଛନ୍ତି । ଇନଷ୍ଟାଗ୍ରାମରେ ସେୟାର କରିଥିବା ଭିଡିଓରେ କହିଛନ୍ତି, ‘ମୁଁ ଗୀତ ଗାଏ ବୋଲି ଚାହୁଁନାହାଁନ୍ତି ସେହି ଅଭିନେତା ଯିଏ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛନ୍ତି । ସେହି ଅଭିନେତା ଫେମସ ଗାୟକ ଅରଜିତ ସିଂଙ୍କ ସହ ମଧ୍ୟ ଠିକ୍ ଏପରି କରିଛନ୍ତି । ଏ ସବୁ କଣ? ତୁମେ ନିଜ ପାୱାରର ଭୁଲ ବ୍ୟବହାର କିପରି କରିପାରୁଛ । ମୁଁ କେତେ ଗୀତ ଗାଇସାରିଛି, ଯାହା ଡବ କରାଯାଇଛି । ଏହା ବହୁତ ଲଜ୍ୟାଜନକ କଥା । କିନ୍ତୁ ମୁଁ କାହାରିକୁ କାମ ମାଗେ ନାହିଁ । ହେଲେ ସେ ମତେ ଡାକି ଗୀତ ଗାଇବାକୁ କହି ପୁଣି ଅନ୍ୟ କାହା ଦ୍ବାରା ଡବ କରୁଛନ୍ତି ।’