ନୂଆଦିଲ୍ଲୀ: ଶୁକ୍ରବାର ଦିନ ବଲିଉଡ ଅଭିନେତ୍ରୀ ସୋନମ କପୁର ଅହୁଜା ଏବଂ ତାଙ୍କ ସ୍ୱାମୀ ଆନନ୍ଦ ଅହୁଜା ତାଙ୍କ ବିବାହର 2ବର୍ଷ ପୂର୍ତ୍ତି ପାଳୁଛନ୍ତି । ଏହି ବିବାହ ଉତ୍ସବକୁ ନେଇ ସୋନମ ଆନନ୍ଦ ଅହୁଜାଙ୍କ ପାଇଁ ସୋସିଆଲ ମିଡିଆରେ ଏକ ଭାବପ୍ରବଣ ନୋଟ ଲେଖିଛନ୍ତି ।
ସୋମନ ଲେଖିଥିଲେ ଯେ, 4 ବର୍ଷ ପୂର୍ବେ ଆଜି ମୁଁ ଜଣେ ଭେଗାନଙ୍କୁ ଭେଟିଥିଲି ଯିଏ କି ଜଣେ ବଡ ବିଜନେସମ୍ୟାନ ଅଟନ୍ତି । ମୁଁ ଯେତେବେଳେ ତାଙ୍କୁ ଦେଖିଥିଲି ତାଙ୍କର କରୁଣା, ଦୟା, ଉଦାରତା ଏବଂ ସ୍ମାର୍ଟନେସ ମତେ ଆକର୍ଷଣ କରିଥିଲା । ଏହାସହ ଆନନ୍ଦ ମୋ ସହିତ 4 ବର୍ଷ ଏକ ଭଲ ସାଥୀ ଭାବରେ ମୋ ପାଖରେ ଛିଡା ହୋଇଥିବାରୁ ମୁଁ ତାଙ୍କୁ ଧନ୍ୟବାଦ ଜଣାଉଛି ।
ଏହାସହ ସୋନମ ଆହୁରି ଲେଖିଛନ୍ତି ଯେ, ଆନନ୍ଦ ମୋର ସବୁ ଆଶା ଉଚ୍ଛାକୁ ପୂରଣ କରନ୍ତି । ହାପି ହାପି ଆନିଭରର୍ସରୀ ହବି । ମୁଁ ଅତ୍ୟଧିକ ଖୁସି ଯେ ମୁଁ ତୁମକୁ ମୋର ସ୍ବାମୀ ରୂପେ ପାଇଛି । ମୁଁ ତୁମକୁ ଅଧିକ ଭଲ ପାଏ ଏବଂ ମୁଁ ଜାଣେ ତୁମେ ମୋତେ ମୋ ଠାରୁ ଅଧିକ ଭଲ ପାଅ। ତୁମେ ମୋର ସର୍ବଶ୍ରେଷ୍ଠ ଉପହାର । #ଏଭ୍ରି ଡେ ଫେନୋମେନାଲ ।
ଏହା ସହିତ ସୋନମ ଏକ ଫଟୋ ପୋଷ୍ଟ କରିଛନ୍ତି ଯେଉଁଥିରେ ସେ ଆନନ୍ଦଙ୍କ ଗାଲରେ କିସ କରୁଥିବାର ଦେଖିବାକୁ ମିଳିଛି । ଆନନ୍ଦ ଏବଂ ସୋନମ 2018ରେ ବିବାହ କରିଥିଲେ । ବର୍ତ୍ତମାନ ଲକଡାଇନ ସମୟରେ ସେମାନେ ଦିଲ୍ଲୀରେ ତାଙ୍କ ଘରେ ରହି ପରସ୍ପର ସହିତ ସମୟ ବିତାଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
