ଜାହ୍ନବୀ@22, ଭିନ୍ନ ଅନ୍ଦାଜରେ ସୋନମଙ୍କ ବର୍ଥ ଡେ' ୱିଶ

22 ବର୍ଷରେ ପାଦ ରଖିଛନ୍ତି ଅଭିନେତ୍ରୀ ଜାହ୍ନବୀ କପୁର । ବୁଧବାର ପରିବାର ସହ ଜନ୍ମଦିନ ଖୁବ୍ ଜୋରୋସୋରରେ ପାଳନ କରିଥିଲେ ଜାହ୍ନବୀ । ଭଉଣୀଙ୍କୁ ଭିନ୍ନ ଢଙ୍ଗରେ ବର୍ଥ ଡେ ୱିଶ କଲେ ଅଭିନେତ୍ରୀ ସୋନମ କପୁର ।

ହାଇଦ୍ରାବାଦ: 'ଧଡକ' ଫିଲ୍ମରେ ଶାନଦାର ଅଭିନୟ କରି ଦର୍ଶକଙ୍କ ମନ କିଣିଥିବା ଅଭିନେତ୍ରୀ ଜାହ୍ନବୀ କପୁର ବୁଧବାର ନିଜର 22ତମ ଜନ୍ମଦିନ ପାଳନ କରିଥିଲେ । ଏହି ଅବସରରେ ତାଙ୍କ ଦାଦା ଝିଅ ଅର୍ଥାତ୍ ପପୁଲାର ଅଭିନେତ୍ରୀ ସୋନମ କପୁର ଭିନ୍ନ ଅନ୍ଦାଜରେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।

ସୋନମ ଇନଷ୍ଟାଗ୍ରାମରେ ଜାହ୍ନବୀଙ୍କ ପିଲାବେଳର ଏକ ଫଟୋ ସେୟାର କରିଛନ୍ତି । ଫଟୋରେ ସୋନମ ବେବି ଜାହ୍ନବୀଙ୍କୁ କୋଳରେ ଧରିଥିବାର ନଜର ଆସୁଛନ୍ତି ।

ଫଟୋ ସହ ସେ କ୍ୟାପସନରେ ଲେଖିଛନ୍ତି, "ହାପ୍ପି ହାପ୍ପି ବର୍ଥଡେ ଜାନୁ । ବେବୀ ଗର୍ଲ ତୁମକୁ ଅନେକ ଅନେକ ସ୍ନେହ । ନିଜର ଶାନଦାର ହସ ସହ ସବୁବେଳେ ହସୁଥାଅ । ଜନ୍ମଦିନର ଶୁଭେଚ୍ଛା ।"

ପ୍ରକାଶ ଥାଉକି ସ୍ବର୍ଗୀୟ ଅଭିନେତ୍ରୀ ଶ୍ରୀଦେବୀ ଫିଲ୍ମ ନିର୍ମାତା ବୋନି କପୁରଙ୍କ ସହ 1996ରେ ବିବାହ କରିଥିଲେ । 1997ରେ ଜାହ୍ନବୀ ଏବଂ 2000ରେ ଖୁସି କପୁର ଜନ୍ମ ହୋଇଥିଲେ ।