ବ୍ୟସ୍ତବହୁଳ ରାସ୍ତାରେ ବାଇକ ଚଳାଇ ଚର୍ଚ୍ଚାରେ ଦବଙ୍ଗ ଗାର୍ଲ

ସୋସିଆଲ ମିଡିଆରେ ପୁଣି ଟ୍ରୋଲର୍ସଙ୍କ ଶିକାର ହେଲେ ସୋନାକ୍ଷୀ ସିହ୍ନା। ଏଥର ସେ କୌଣସି ଗ୍ଲାମରସ ଫଟୋକୁ ନେଇ ନୁହେଁ ବରଂ ବାଇକ ଚଳାଇ ଟ୍ରୋଲ ହୋଇଛନ୍ତି।

ମୁମ୍ବାଇ: ବି-ଟାଉନର ଦବଙ୍ଗ ଗାର୍ଲ ସୋନାକ୍ଷୀ ସିହ୍ନା ନିକଟରେ ମୁମ୍ବାଇ ସ୍ଥିତ କରୀନା କପୁର ଖାନଙ୍କ ରୋଡିଓ ଶୋ ‘ହ୍ବାଟ ୱିମେନ ୱାଣ୍ଟ’ର ସେଟରେ ପହଞ୍ଚିଥିଲେ । ସେଟରେ ପହଞ୍ଚିବାର ଅନ୍ଦାଜ ତାଙ୍କର ଖୁବ୍ ଖାସ ଥିଲା । ସେ ରୟଲ ଇନଫିଲ୍ଡକୁ ଚଲାଇ କରୀନାଙ୍କ ଶୋରେ ପହଞ୍ଚିଥିଲେ । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହେଲେ ବର୍ତ୍ତମାନ ତାଙ୍କ ଏହି ଅନ୍ଦାଜକୁ ସୋସିଆଲ ମିଡିଆରେ ଟ୍ରୋଲ କରିବାରେ ଲାଗିଛନ୍ତି କିଛି ୟୁଜର୍ସ ।

କାରଣ ସେ ବାଇକ ଚଲାଇ ଯାଉଥିବାରୁ ତାଙ୍କୁ ଅନେକ ଫଟୋଗ୍ରାଫର୍ସ ଘେରି ନେଇଥିଲେ । ଯାହାକୁ ନେଇ ରାସ୍ତାରେ ଭିଡ ଜମିଥିଲା । ଏହାକୁ ଆଧାର କରି କିଛି ୟୁଜର୍ସ ତାଙ୍କୁ ଟ୍ରୋଲ କରିଛନ୍ତି । ଭାଇରାଲ ହୋଇଥିବା ଭିଡିଓରେ ସୋନାକ୍ଷୀଙ୍କ ବଡିଗାର୍ଡ ମଧ୍ୟ ରାସ୍ତାରେ ତାଙ୍କ ପଛରେ ଚାଲି ଚାଲି ଯାଉଥିବାର ନଜର ଆସୁଛନ୍ତି ।

ସେହିପରି ମୁମ୍ବାଇର ବ୍ୟସ୍ତବହୁଳ ରାସ୍ତାରେ ବାଇକ ଚଲାଇବାକୁ ଖୁବ୍ ପସନ୍ଦ କରିଛନ୍ତି ତାଙ୍କ ଫ୍ୟାନ୍ସ । ଇନଷ୍ଟାଗ୍ରାମାରେ ସୋନାକ୍ଷୀଙ୍କୁ ‘ଦବଙ୍ଗ ଗାର୍ଲ’, ‘ବୁଲେଟ ରାଣୀ’ ଡାକିବା ଆରମ୍ଭ କରିଦେଇଛନ୍ତି ୟୁଜର୍ସ ।