ସ୍ବପ୍ନର ଘର କିଣିଲେ ସୋନାକ୍ଷୀ

‘ଦବଙ୍ଗ’ ଫେମ ସୋନାକ୍ଷୀ ସିହ୍ନାଙ୍କୁ ନେଇ ନୂଆ ଚର୍ଚ୍ଚା । ଶୁଣିବାକୁ ମିଳୁଛି ଯେ ନିଜ ପାଇଁ ନୂଆ ଘର କିଣିଛନ୍ତି ଅଭିନେତ୍ରୀ । ଅଧିକ ପଢନ୍ତୁ...

ମୁମ୍ବାଇ: ‘ଦବଙ୍ଗ’ ଫେମ ସୋନାକ୍ଷୀ ସିହ୍ନାଙ୍କୁ ନେଇ ନୂଆ ଚର୍ଚ୍ଚା । ଶୁଣିବାକୁ ମିଳୁଛି ଯେ ନିଜ ପାଇଁ ନୂଆ ଘର କିଣିଛନ୍ତି ଅଭିନେତ୍ରୀ । ଆଜିକାଲି ମୁମ୍ବାଇରେ ଘର କିଣିବା ଏକ ଟ୍ରେଣ୍ତ ପାଲଟିଯାଇଛି । ପୂର୍ବରୁ ଆଲିଆ, ଜାହ୍ନବୀ କପୁର ଏବଂ ହ୍ରିତିକ ମଧ୍ୟ ମୁମ୍ବାଇର ଜୁହୁରେ ଘର କିଣି ଚର୍ଚ୍ଚାରେ ଆସିଥିଲେ । ଏବେ ଏହି ତାଲିକାରେ ଅଭିନେତ୍ରୀ ସୋନାକ୍ଷୀ ମଧ୍ୟ ସାମିଲ ହୋଇଛନ୍ତି ।

ନିକଟରେ,ସୋନାକ୍ଷୀ ମଧ୍ୟ ମୁମ୍ବାଇର ବାନ୍ଦ୍ରା ଠାରେ 4 ବିଏଚକେ ଆପାର୍ଟମେଣ୍ଟ କିଣିଛନ୍ତି । କୁହାଯାଉଛି ଯେ, ସୋନାକ୍ଷୀ ବାନ୍ଦ୍ରା ରିକ୍ଲେମେସନ ଅଞ୍ଚଳରେ ତାଙ୍କ ଆପାର୍ଟମେଣ୍ଟ କିଣିଛନ୍ତି । ଫିଲ୍ମ 'ଭୁଜ୍ ଦ ପ୍ରାଇଡ୍ ଅଫ୍ ଇଣ୍ଡିଆ'ର ସୁଟିଂ ସମୟରେ ଏକ ସାକ୍ଷାତକାରରେ ସୋନାକ୍ଷୀ ଏହି ବିଷୟରେ ନିଶ୍ଚିତ କରିଥିଲେ ।

ସୋନାକ୍ଷୀ କହିଛନ୍ତି, ଯେବେ ଠାରୁ ମୁଁ କାମ ଆରମ୍ଭ କରିଥିଲି, ସେବେଠାରୁ ମୋର ସ୍ବପ୍ନ ଥିଲା ଯେ, ମୋତେ 30 ବର୍ଷ ବୟସ ହେବା ପୂର୍ବରୁ ମୁଁ ମୋର ଅର୍ଜିତ ଧନରେ ମୋ ପାଇଁ ଏକ ଘର କିଣିବି । ଯଦିଓ କିଛି ବର୍ଷ ବିଳମ୍ବ ହେବା ପରେ ମୁଁ ମୋ ପାଇଁ ଘର କିଣିଛି, କିନ୍ତୁ ଶେଷରେ ଏହା ହୋଇଗଲା' । 'ନିଜ ପାଇଁ ନୂଆ ଆପାର୍ଟମେଣ୍ଟ କିଣିବା ଏକ ସ୍ବପ୍ନ ସାକାର ହେବା ଭଳି ଅଟେ । ତଥାପି ଏହି ଘରର ମୂଲ୍ୟ ପ୍ରକାଶ ପାଇନାହିଁ ।

କିଛିଦିନ ପୂର୍ବରୁ ଆଲିଆ ଭଟ୍ଟ ମୁମ୍ବାଇରେ ଏକ ନୂଆ ଘର କିଣିଥିଲେ। ଯାହାର ମୂଲ୍ୟ ପ୍ରାୟ 32 କୋଟି ।