ମୁମ୍ବାଇ:କୋରୋନା ଟିକା ନେଲେ ବି ଟାଉନର ଚର୍ଚ୍ଚିତ ଯୋଡ଼ି ରିତେଶ ଦେଶମୁଖ ଓ ଜେନେଲିଆ ଡିସୁଜା । ଖାଲି ଏହି ଦୁଇଜଣ ନୁହଁନ୍ତି ଦବଙ୍ଗ ଅଭିନେତ୍ରୀ ସୋନାକ୍ଷୀ ସିହ୍ନା ମଧ୍ୟ କୋରୋନା ଭ୍ୟାକ୍ସିନ ନେଇଛନ୍ତି । ଏହାକୁ ନେଇ ଏହି ଅଭିନେତା ଓ ଅଭିନେତ୍ରୀମାନେ ଇନଷ୍ଟାଗ୍ରାମ ଆକାଉଣ୍ଟରେ ଫଟୋ ସେୟାର କରି ସୂଚନା ଦେଇଛନ୍ତି । ମହାମାରୀ କରୋନାରୁ ବର୍ତ୍ତିବା ପାଇଁ ସଭିଁଙ୍କୁ ପଞ୍ଜୀକରଣ କରି ଟିକା ନେବାକୁ ନିବେଦନ କରୁଛନ୍ତି ଉଭୟ ରାଜ୍ୟ ଓ କେନ୍ଦ୍ର ସରକାର ।
କୋରୋନା ଭ୍ୟାକ୍ସିନ ନେବାପରେ ସୋନାକ୍ଷୀ ସିହ୍ନା ଫଟୋ ସେୟାର କରି କହିଛନ୍ତି ଯେ, ଭ୍ୟାକ୍ସିନ ନେଲି ବିଜୟୀ ହେଲି । ଫଟୋରେ ସୋନାକ୍ଷୀ ବାମ ହାତରେ କୋରୋନା ଟିକା ନେଉଥିବା ଦେଖିବାକୁ ମିଳିଛି । ନିଜ ଫ୍ୟାନମାନଙ୍କୁ କୋରୋନା ଟିକା ନେବା ପାଇଁ ଉତ୍ସାହିତ କରିବାକୁ ସେ ଏହି ଫଟୋ ସେୟାର କରିଛନ୍ତି । ବର୍ତ୍ତମାନ ମହାମାରୀ କୋରୋନାକୁ ମାତ ଦେବାପାଇଁ ଟିକା ନେବାକୁ ସଚେତନତା କରାଯାଉଛି ।