ମୁମ୍ବାଇ: ବିଗ ବସ ଫେମସ ଜସଲୀନ ମାଥୁର ଏହି ସମୟରେ ନିଜ ଲଭଲାଇଫକୁ ନେଇ ଚର୍ଚ୍ଚାରେ। ତାଙ୍କ ଜୀବନରେ ଜଣେ ସ୍ପେଶାଲ ବ୍ୟକ୍ତିଙ୍କ ଏଣ୍ଟ୍ରି ହୋଇଛି। ଯାହା ପାଇଁ ସେ ଖୁବ୍ ଖୁସି ନଜର ଆସୁଛନ୍ତି । ଆଜ୍ଞା ହଁ, ସେ କସ୍ମେଟିକ ସର୍ଜନ ଅଭିନୀତ ଗୁପ୍ତାଙ୍କୁ ଡେଟ କରୁଛନ୍ତି । ଯାହାର ଖୁଲାସା ସେ ଏକ ସାକ୍ଷାତକାରରେ କରିଛନ୍ତି ।
ନିକଟରେ ଜସଲୀନ ପ୍ରଥମଥର ବୟଫ୍ରେଣ୍ଡ ଅଭିନୀତଙ୍କୁ ସାକ୍ଷାତ କରିଥିଲେ। ଏହାପୂର୍ବରୁ ଦୁଇଜଣ ଭର୍ଚୁଆଲ ଡେଟ କରୁଥିଲେ । ସାକ୍ଷାତକାରରେ ଜସଲୀନ କହିଛନ୍ତି, ‘ମୁଁ ଏବେ ଭୋପାଲରୁ ଫେରିଛି । 15 ଦିନ ମୁଁ ଭୋପାଲରେ ଥିଲି। ସେଠାରେ ଅଭିନୀତଙ୍କ ପରିବାରର ସହ ସାକ୍ଷାତ କରିଥିଲି । ମୋ ଆଉ ଅଭିନୀତ ମିଶି ଏକ ଗୀତ ମଧ୍ୟ ସୁଟ କରିଛୁ। ଯାହା ଏକ ଦୁଃଖଭରା ଗୀତ । ଗୀତଟି ଖୁବଶୀଘ୍ର ୟୁଟ୍ୟୁବରେ ରିଲିଜ ହେବ । ମୁଁ ତାଙ୍କ ସହ ଶାନଦାର ସମୟ ବିତାଇଥିଲି।’