ମୁମ୍ବାଇ: ପପୁଲାର ଗାୟକ ଅରମାନ ମଲ୍ଲିକ ଇଣ୍ଟରନ୍ୟାସନାଲ ମ୍ୟୁଜିକ ଦୁନିଆରେ ପଦାର୍ପଣ କରିସାରିଛନ୍ତି । ନିକଟରେ ତାଙ୍କର ଇଂରାଜୀ ଗୀତ ‘କଣ୍ଟ୍ରୋଲ’ ରିଲିଜ ହୋଇଥିଲା । ଯାହା ଦର୍ଶକଙ୍କ ଖୁବ୍ ମନ କିଣିଥିଲା । ଆଉ ଏବେ ସେ ନିଜର ଦ୍ବିତୀୟ ଇଂରାଜୀ ଗୀତ ‘ନେକଷ୍ଟ ଟୁ ମି’ ରିଲିଜ କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଛନ୍ତି । ଯାହାକୁ ନେଇ ତାଙ୍କ ଫ୍ୟାନ୍ସଙ୍କ ଖୁସି ନକହିଲେ ସରେ ।
ଦ୍ବିତୀୟ ଇଂରାଜୀ ଗୀତ ନେଇ ଫେରିଲେ ଅରମାନ - ଅରମାନ ମଲିକ ଇଣ୍ଟରନ୍ୟାସନାଲ ମ୍ୟୁଜିକ ଦୁନିଆରେ ପଦାର୍ପଣ
ରିଲିଜ ହେଲା ଅରମାନଙ୍କ ନୂଆ ଇଂରାଜୀ ଗୀତ ‘ନେକଷ୍ଟ ଟୁ ମି’ । ଏହାପୂର୍ବରୁ ରିଲିଜ ହୋଇଥିଲା ‘କଣ୍ଟ୍ରୋଲ’ ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଅରମାନ ମଲ୍ଲିକ
ଏହି ଅବସରରେ ଅରମାନ ସୋସିଆଲ ମିଡିଆରେ ଗୀତ ସେୟାର କରି ଲେଖିଛନ୍ତି, ‘ଏହି ଗୀତ ସେହିମାନଙ୍କୁ ଡେଡିକେଟ କରନ୍ତୁ, ଯାହାକୁ ଆପଣ ମିସ କରୁଛନ୍ତି ଆଉ ଟ୍ୟାଗ ମଧ୍ୟ କରନ୍ତୁ ।’
ସେହିପରି ସେ କହିଛନ୍ତି ତାଙ୍କ ଅନୁଯାୟୀ ‘ନେକଷ୍ଟ ଟୁ ମି’ ଏକ ଏମିତି ଗୀତ ଯେଉଁଥିରେ ଶ୍ରୋତା ନିଶ୍ଚିତ ରୂପେ ଏହାକୁ ନିଜ ସହ ସମ୍ପୃକ୍ତ କରିବେ । ଆଉ ଗୀତକୁ ନିଜ ପ୍ରିୟଜନଙ୍କୁ ଉତ୍ସର୍ଗ ମଧ୍ୟ କରିପାରିବେ । ଆପଣ ବି ଶୁଣନ୍ତୁ ତାଙ୍କର ଏହି ଶାନଦାର ଗୀତ...