ମୁମ୍ବାଇ: ଅଭିନେତା ଦିଲଜିତ ଦୋସାଞ୍ଝ ଓ କଙ୍ଗନା ରଣାୱତଙ୍କ ଟ୍ବିଟ ୱାର ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । ବୁଧବାର କଙ୍ଗନାଙ୍କ ଏକ ବିବାଦୀୟ ଟ୍ବିଟକୁ ନେଇ କ୍ରୋଧିତ ନଜର ଆସିଥିଲେ ଦିଲଜିତ । ଆଉ ଶୁଣାଇଥିଲେ କଡା କଥା । ଏହାପରେ ଟ୍ବିଟରରେ ଆରମ୍ଭ ହୋଇଯାଇଥିଲା ଦୁଇଜଣଙ୍କ ଯୁକ୍ତିତର୍କ । ହୁଏତଃ ଏବେ ଦୁଇଜଣ ପରସ୍ପର ଟ୍ବିଟ ଉପରେ ଜବାବ ଦେବା ବନ୍ଦ କରିଦେଇଛନ୍ତି କିନ୍ତୁ ସୋସିଆଲ ମିଡିଆରେ ଟ୍ରେଣ୍ଡ କରୁଛନ୍ତି । ଇତିମଧ୍ୟରେ କଙ୍ଗନାଙ୍କ ଜଣେ ଫ୍ୟାନଙ୍କ କ୍ଲାସ ନେଇଛନ୍ତି ଦିଲଜିତ ।
କଙ୍ଗନାଙ୍କ ଫ୍ୟାନଙ୍କୁ ଦିଲଜିତଙ୍କ କଡା ଜବାବ - କୃଷକ ଆନ୍ଦୋଳନ ଉପରେ କଙ୍ଗନାଙ୍କ ଟ୍ବିଟ
ଥମିବାର ନାଁ ନେଉନାହିଁ କଙ୍ଗନା ଓ ଦିଲଜିତଙ୍କ ଝଗଡା । ଅଭିନେତ୍ରୀଙ୍କ ଜଣେ ଫ୍ୟାନଙ୍କ କ୍ଲାସ ନେଇ ଚର୍ଚ୍ଚାରେ ଦିଲଜିତ । ଅଧିକ ପଢନ୍ତୁ...
ଡିଜାଇନ ଫଟୋ
କଥାଟି ହେଲା ଯେ କଙ୍ଗନାଙ୍କ ଜଣେ ଫ୍ୟାନ ଟ୍ବିଟ କରି କହିଥିଲେ, ‘ଦିଲଜିତ ଆପଣ ନିଜର ପୁରା କ୍ୟାରିୟର ନଷ୍ଟ କରିଦେଲ । ମୁଁ କଙ୍ଗନାଙ୍କ ପ୍ରଶଂସକ ନୁହେଁ କିନ୍ତୁ ସମସ୍ତେ ଭୁଲ୍ ଚିନ୍ତାରେ ଅଛନ୍ତି ଯେ ସେ କଣ କହିବାକୁ ଚାହୁଁଥିଲେ । ସେ ତୁମର ସିନିୟର ତାଙ୍କୁ ସମ୍ମାନ ଦେଇ କଥା ହେବାର ଥିଲା ହେଲେ ତୁମେ ତାଙ୍କୁ ତୁ କହି ବ୍ୟବହାର କରିଛ ।’
ସେପଟେ ଦିଲଜିତ ମଧ୍ୟ କେଉଁ ଚୁପ ବସିବା ବ୍ୟକ୍ତି ଏହାର ଜବାବରେ ସେ ସଙ୍ଗେ ସଙ୍ଗେ କହିଥିଲେ, ‘ସିନିୟର ? ଯେତେବେଳେ କଙ୍ଗନା ଆମ ବୃଦ୍ଧାଙ୍କୁ ଅପମାନ କଲେ ତେବେ କେଉଁଠାରେ ଥିଲ ତୁମେ । ନିଜଠୁ ବଡ ଲୋକଙ୍କ ସହ କିପରି କଥାବାର୍ତ୍ତା କରାଯାଏ ତାଙ୍କୁ ଜଣାଅଛ କି । ଆଉ ତୁମେ ସିନିୟର କଥା କହୁଛ । ମୋ କ୍ୟାରିୟର ଚିନ୍ତା ତୁମେ କରନାହିଁ । ମୁଁ ନିଜେ ଦେଖି ନେବି । ତୁମେ ତୁମ ମ୍ୟାଡମଙ୍କୁ ସମ୍ଭାଳ ।’