ମୁମ୍ବାଇ: ‘ବିଗ ବସ 13’ର ବିଜେତା ସିଦ୍ଧାର୍ଥ ଶୁକ୍ଲା ଓ ସେହନାଜ ଗିଲଙ୍କ ଯୋଡି ଦର୍ଶକଙ୍କ ମନ କିଣିଥିଲା । ବିଗ ବସ ହାଉସରେ ଦୁଇଜଣଙ୍କ ଖଟାମିଠା ନୋକ-ଝୋକ ଦେଖିବାକୁ ସବୁ ବେଳେ ବ୍ୟାକୁଳ ଥିଲେ ଫ୍ୟାନ୍ସ । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ସାମ୍ନାକୁ ଆସିଛି । ଆଜ୍ଞା ହଁ, ସିଦ୍ଧାର୍ଥ ଓ ସେହନାଜଙ୍କ ପ୍ରଥମ ରୋମାଣ୍ଟିକ ମ୍ୟୁଜିକ ଭିଡିଓ ‘ଭୁଲା ଦୁଙ୍ଗା’ ରିଲିଜ ହୋଇଯାଇଛି। ଗୀତରେ ଦୁଇଜଣଙ୍କ ଶାନଦାର କେମେଷ୍ଟ୍ରି ଦେଖିବାକୁ ମିଳୁଛି।
ସେହନାଜଙ୍କୁ ଭୁଲିଗଲେ ସିଦ୍ଧାର୍ଥ, ଦେଖନ୍ତୁ ଭିଡିଓ - ‘ବିଗ ବସ 13’ର ବିଜେତା ସିଦ୍ଧାର୍ଥ ଶୁକ୍ଲା
ସେହନାଜ ଗିଲଙ୍କ ସହ ପରଦାରେ ରୋମାନ୍ସ କଲେ ସିଦ୍ଧାର୍ଥ ଶୁକ୍ଲା। ରିଲିଜ ହୋଇଯାଇଛି ଦୁଇଜଣଙ୍କ ପ୍ରଥମ ମ୍ୟୁଜିକ ଭିଡିଓ ‘ଭୁଲା ଦୁଙ୍ଗା’।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ସିର୍ଦ୍ଧାର୍ଥ ଶୁକ୍ଲା
‘ଭୁଲା ଦୁଙ୍ଗା’ ଗୀତଟିକୁ ଗାଇଛନ୍ତି ଦର୍ଶନ ରାୱଲ। ସେହିପରି ଏହାର କମ୍ପୋଜ ଦାୟିତ୍ବ ମଧ୍ୟ ସେ ସମ୍ଭାଳିଛନ୍ତି। ଗୀତର ଲିରିକ୍ସ ଗୁରପ୍ରୀତ ସୋନୀ ଓ ଗୌତମ ଶର୍ମା ମିଶି ଲେଖିଛନ୍ତି। ଏହି ଭିଡିଓରେ ଦୁଇଜଣଙ୍କ ପରସ୍ପରଠୁ ଅଲଗା ହୋଇଯାଉଥିବାର ନଜର ଆସୁଛନ୍ତି। ହେଲେ ପୁରୁଣା ସ୍ମୃତିକୁ ମନେ ପକାଇ କାନ୍ଦୁଛନ୍ତି ସିଦ୍ଧାର୍ଥ ।
ଗୀତ ରିଲିଜ ହେବାର କିଛି ସମୟ ମଧ୍ୟରେ ୟୁଟ୍ୟୁବରେ ଏହାକୁ 4 ଲକ୍ଷରୁ ଅଧିକ ଦର୍ଶକ ଦେଖିସାରିଲେଣି । ସୋସିଆଲ ମିଡିଆରେ ମଧ୍ୟ ଗୀତର ଖୁବ୍ ପ୍ରଶଂସା କରାଯାଇଛି । ଦର୍ଶକଙ୍କୁ ସିଡ ଓ ସନାଙ୍କ ଜବରଦସ୍ତ କେମେଷ୍ଟ୍ରି ଖୁବ୍ ପସନ୍ଦ ଆସିଛି । ଦେଖନ୍ତୁ ଭିଡିଓ...