ସିଦ୍ଧାର୍ଥ ପିଠାନି-ସନ୍ଦୀପ ସିଂଙ୍କୁ ଗିରଫ କରାଯିବା ଉଚିତ: ସୁଶାନ୍ତଙ୍କ ଭାଇ

ସୁଶାନ୍ତଙ୍କ ସମ୍ପର୍କୀୟ ଭାଇ ନୀରଜ କହିଛନ୍ତି, ସିବିଆଇ ତଦନ୍ତ ବହୁତ ଭଲ ଭାବରେ ଏବଂ ଠିକ ଦିଗରେ ଚାଲିଛି । କିନ୍ତୁ, ଏହି ମାମଲାରେ ସିଦ୍ଧାର୍ଥ ପିଠାନି ଏବଂ ସନ୍ଦୀପ ସିଂଙ୍କୁ ଗିରଫ କରାଯାଇ ଏଜେନ୍ସି ପଚରାଉଚରା କରିବା ଉଚିତ । ଅଧିକ ପଢନ୍ତୁ...

ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମାମଲାରେ ସିବିଆଇ ତଦନ୍ତ ଆରମ୍ଭ କରିଛି । ଏନେଇ ସିବିଆଇ ଟିମ୍ ଏହି ମାମଲା ସହିତ ଜଡିତ ଲୋକଙ୍କୁ କ୍ରମାଗତ ଭାବରେ ପ୍ରଶ୍ନ କରୁଛି ।

ଏହି ସମୟରେ ସୁଶାନ୍ତଙ୍କ ସମ୍ପର୍କୀୟ ଭାଇ ତଥା ବିଜେପି ବିଧାୟକ ନୀରଜ ସିଂ ବବଲୁ କହିଛନ୍ତି, ସିବିଆଇ ନିଶ୍ଚିତ ଭାବରେ ସତ୍ୟ ପ୍ରକାଶ କରିବ । କିନ୍ତୁ ଏହି ମାମଲାରେ ସିଦ୍ଧାର୍ଥ ପିଠାନି ଏବଂ ସନ୍ଦୀପ ସିଂଙ୍କୁ ଗିରଫ କରାଯାଇ ଥାର୍ଡ ଡିଗ୍ରୀ ପଚରାଉଚରା କରାଯିବା ଉଚିତ୍ ।

ଯେତେବେଳେ ଆମେ ସୁଶାନ୍ତଙ୍କ ଅନ୍ତିମ ସଂସ୍କାର ପାଇଁ ଯାଇଥିଲୁ, ସେତେବେଳେ ଆମେ ଦେଖିଲୁ ଯେ ପିଠାନୀଙ୍କ ମୁହଁରେ କୌଣସି ଦୁଃଖ ନାହିଁ । ଏଥିସହିତ ସନ୍ଦୀପ ମଧ୍ୟ ମୋ ଭାଇଙ୍କ ମୃତ୍ୟୁର ଦଶ ଦିନ ପରେ ଗଣମାଧ୍ୟମରେ ଲୋକଙ୍କୁ କ୍ଲିନ୍ ଚିଟ୍ ଦେବା ଆରମ୍ଭ କରିଥିଲେ । ସେ ଜଣେ ଗ୍ୟାଙ୍ଗଷ୍ଟର ଭଳି କାମ କରୁଥିଲା । ମୁଁ ନିଶ୍ଚିତ ଯେ ସିବିଆଇ ଏହାର ଅନୁସନ୍ଧାନ କରିବ ଏବଂ ସତ୍ୟ ପ୍ରକାଶ କରିବ ।

ବ୍ୟୁରୋ ରିପୋର୍ଟ, ଇଟିଭି ଭାରତ