ନୂଆଦିଲ୍ଲୀ: ଦୀର୍ଘ ସମୟରୁ ଚର୍ଚ୍ଚା ଜୋର ଧରିଥିଲା ଯେ ଟିଭିର ଲୋକପ୍ରିୟ ଅଭିନେତ୍ରୀ ଶ୍ବେତା ତିୱାରୀଙ୍କ ଲାଡଲୀ ପଲକ ବଲିଉଡରେ ଡେବ୍ୟୁ କରିବେ । ଇତିମଧ୍ୟରେ ଫ୍ୟାନ୍ସଙ୍କ ଅପେକ୍ଷାର ଅନ୍ତ ଘଟିଛି ।
ଏବେ ପଲକଙ୍କ ଡେବ୍ୟୁ ଫିଲ୍ମ 'ରୋଜି: ଦ ସାଫ୍ରନ୍ ଚାପ୍ଟର'ର ଟିଜର ଲଞ୍ଚ କରାଯାଇଛି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ବିଶାଲ ରଞ୍ଜନ ମିଶ୍ରା ।
ଟିଜରରେ ଦେଖିବାକୁ ମିଳିଛି ଯେ, "ଯଦି ତୁମେ କାହାକୁ ଭଲ ପାଅ, ତାକୁ ସ୍ବାଧୀନତା ଦିଅ। ବ୍ରହ୍ମାଣ୍ଡ ତାଙ୍କୁ ମୃତ୍ୟୁ ମୁହଁରୁ ଫେରାଇ ଆଣିବ। ଏହାକୁ ବିଶ୍ବାସ କର" ।
ଏହି ଚଳଚ୍ଚିତ୍ର ବିଷୟରେ ପଲକ କହିଛନ୍ତି, 'ରୋଜି: ଦ ସାଫ୍ରନ୍ ଚାପ୍ଟର' ମୋ ପାଇଁ ଏକ ବିଶେଷ ଚଳଚ୍ଚିତ୍ର । ମୁଁ ପ୍ରକୃତରେ ଫିଲ୍ମର ଶେଷ ସିଡ୍ୟୁଲ ଆରମ୍ଭ କରିବାକୁ ପ୍ରସ୍ତୁତ ଅଛି । ଆଜି ମୁକ୍ତିଲାଭ କରିଥିବା ଫିଲ୍ମର ଟିଜରକୁ ନେଇ ଦର୍ଶକଙ୍କ ଏହା ଉପରେ କିପରି ପ୍ରତିକ୍ରିୟା କରୁଛନ୍ତି ତାହା ମୁଁ ଦେଖିବାକୁ ଆଉ ଅପେକ୍ଷା କରିପାରୁ ନାହିଁ" ।
ପ୍ରକାଶ ଥାଉ ଯେ, ଏହି ହରର-ଥ୍ରୀଲର ଚଳଚ୍ଚିତ୍ର ହେଉଛି ଗୁରୁଗ୍ରାମର ରୋଜି ନାମକ ଜଣେ ଝିଅର ହଠାତ୍ ନିଖୋଜ ହେବାର ପ୍ରକୃତ ଘଟଣା ଉପରେ ଆଧାରିତ ଏକ କାହାଣୀ ।