ଚେନ୍ନାଇ:ସାଉଥ ଅଭିନେତ୍ରୀ ଶ୍ରୁତି ହାସନ ରବିବାର କୋରୋନା ପଜିଟିଭ ଚିହ୍ନଟ ହୋଇଛନ୍ତି । ତେବେ ଏ ସମ୍ପର୍କରେ ଶ୍ରୁତି ନିଜ ଇନଷ୍ଟାଗ୍ରାମ ଆକାଉଣ୍ଟରେ ସୂଚନା ଦେଇଛନ୍ତି । ଶ୍ରୁତି(୩୬)ଙ୍କଠୁ ଏହି ଖବର ଶୁଣିବା ପରେ ପ୍ରଶଂସକ ତାଙ୍କର ଆରୋଗ୍ୟ କାମନା କରିଛନ୍ତି । ଏ ନେଇ ଶ୍ରୁତି ନିଜ ସୋସିଆଲ ମିଡିଆ ଆକାଉଣ୍ଟରେ ଲେଖିଛନ୍ତି ଯେ ସମସ୍ତଙ୍କୁ ଏକ ଶୀଘ୍ର ଅପଡ଼େଟ ଦେବାକୁ ଯାଉଛି ।
ସମସ୍ତ ନିୟମାବଳୀ ମାନିବା ପରେ ମଧ୍ୟ ସେ କୋଭିଡ଼ ପଜିଟିଭ ଚିହ୍ନଟ ହୋଇଥିବା କହିଛନ୍ତି । ତେବେ ସେ ଶୀଘ୍ର ସୁସ୍ଥ ହୋଇ ଫେରିବେ ବୋଲି କହିଛନ୍ତି । ଶ୍ରୁତିଙ୍କଠୁ ଏହି ଖବର ପାଇବା ପରେ ଫିଲ୍ମ ଇଣ୍ଡଷ୍ଟିଠାରୁ ଆରମ୍ଭ କରି ପ୍ରଶଂସକ ସମସ୍ତେ Get well soon ମେସେଜ କରିଥିବା ଦେଖିବାକୁ ମିଳିଛି ।