ହାଇଦ୍ରାବାଦ:ଅଭିନେତ୍ରୀ ଶିଳ୍ପା ସେଟ୍ଟୀ କୁନ୍ଦ୍ରା ସୋସିଆଲ ମିଡିଆରେ ଏକ କ୍ରିପ୍ଟିକ ନୋଟ(ସିକ୍ରେଟ ମେସେଜ) ସେୟାର କରିଛନ୍ତି । ଭୁଲ୍ କରିବା ଏବଂ ସେଥିରୁ ଶିଖିବା ବିଷୟକୁ ନେଇ ସେ ଏହି ନୋଟ ଗୁରୁବାର ବିଳମ୍ବିତ ରାତିରେ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି । ଜୀବନରେ କିଛି ଭୁଲ କରିବା ସମ୍ପର୍କରେ ଆଲୋଚନା କରି ସେ ସୋଫିଆ ଲୋରେନଙ୍କ ଏକ ଉଦ୍ଧୃତକୁ ସେୟାର କରିଥିଲେ ।
ଏହି ପୋଷ୍ଟରେ " ଜୀବନରେ କିଛି ଭୁଲ ନକରି ଜୀବନକୁ ଆମେ ଆକର୍ଷଣୀୟ କରିପାରିବା ନାହିଁ । ଆମେ ଏଭଳି ଆଶା କରିଥାଉ ଯେ ଜୀବନରେ ଏମିତି କିଛି ଭୁଲ କରିବା ନାହିଁ, ଯାହାକି ଅନ୍ୟ ଲୋକଙ୍କୁ ଆଘାତ ଦେବ। ତଥାପି ଭଲୁ ହୋଇଯାଇଥାଏ ।" ସେ ଆହୁରି ଲେଖିଛନ୍ତି ଯେ ଆମେ ଜୀବନରେ ଅନେକ ଭୁଲ କରି ତାହାକୁ ଭୁଲି ଯାଇଥାଉ । ସେ କେବଳ ଏକ ଭୁଲ ଯୋଗୁଁ ଆମେ ତାକୁ ଭୁଲି ନଥାଉ ବରଂ ଆମେ ସେଥିରୁ ଶିକ୍ଷା ପାଇଥାଉ । ସେ ଏଭଳି କିଛି ନୋଟ ଲେଖି ଏକ ଆନିମେଟେଡ଼ ଷ୍ଟିକର ମଧ୍ୟ ସେୟାର କରିଛନ୍ତି । ଯେଉଁଥିରେ ଲେଖାଯାଇଛି, ' ମୁଁ ଏକ ଭୁଲ କରିଛି, କିନ୍ତୁ ଏହା ଠିକ ଅଛି ।'