ମହେଶ-ରିଆଙ୍କ ସମ୍ପର୍କକୁ ନେଇ ଶତ୍ରୁଘ୍ନଙ୍କ ପ୍ରଶ୍ନ

ବର୍ତ୍ତମାନ ଚର୍ଚ୍ଚାରେ ଲୋକପ୍ରିୟ ଅଭିନେତା ଶତ୍ରୁଘ୍ନ ସିହ୍ନା । ସେ ସୁଶାନ୍ତଙ୍କ ମାମଲାରେ ରିଆ ଓ ମହେଶଙ୍କ ସମ୍ପର୍କକୁ ନେଇ କିଛି ପ୍ରଶ୍ନ ପଚାରିଛନ୍ତି ।

ମୁମ୍ବାଇ: ଯେବଠୁ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ହୋଇଛି, ସେହି ସମୟରୁ ତାଙ୍କ କେସରେ କଥିତ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀଙ୍କ ନାମ ବାରମ୍ବାର ସାମ୍ନାକୁ ଆସୁଛି । ଖାଲି ଏତିକି ନୁହେଁ ଫେମସ ନିର୍ମାତା ମହେଶ ଭଟ୍ଟ ଓ ରିଆଙ୍କ ସମ୍ପର୍କକୁ ନେଇ ମଧ୍ୟ ଅନେକ ପ୍ରଶ୍ନବାଚୀ ସୃଷ୍ଟି ହେଉଛି । ନିକଟରେ ଦୁଇଜଣଙ୍କ ହ୍ବାଟ୍ସଆପ ଚାର୍ଟ ଭାଇରାଲ ହେଉଥିଲା । ଯାହାକୁ ଆଧାର କରି ଦୁଇଜଣଙ୍କ ସମାଲୋଚନା ସବୁ ମହଲରେ କରାଯାଉଛି । ସମସ୍ତଙ୍କ ମନରେ ଗୋଟିଏ ପ୍ରଶ୍ନ ମହେଶଙ୍କ ସହ ରିଆଙ୍କ କେଉଁ ସମ୍ପର୍କ । ଇତିମଧ୍ୟରେ ଫେମସ ଅଭିନେତା ତଥା ନେତା ଶତ୍ରୁଘ୍ନ ସିହ୍ନା ମଧ୍ୟ ଦୁଇଜଣଙ୍କୁ ନେଇ ନିଜ ପ୍ରତିକ୍ରିୟା ଦେଇଛନ୍ତି ।

ଏକ ସାକ୍ଷାତକାରରେ ଯୋଗ ଦେଇ ଶତ୍ରୁଘ୍ନ କହିଥିଲେ, ‘ଯଦି ମୁଁ ଥାଆନ୍ତି ତେବେ ଏହି ସବୁ କଥାକୁ ସିବିଆଇ ସାମ୍ନାରେ ରଖିଥାଆନ୍ତି । ଆମକୁ ଏଯାବତ ଏକଥା ଜଣାନାହିଁ ଯେ ରିଆ ଓ ମହେଶଙ୍କ ମଧ୍ୟରେ କେଉଁ ସମ୍ପର୍କ ଅଛି । କଣ ସେ ରିଆଙ୍କ ଫାଦର ପରି କିମ୍ବା ଗଡଫାଦର । ନା ଆଉ କିଛି ସମ୍ପର୍କ ଅଛି । ମୁଁ କେବେ ମଧ୍ୟ ରିଆଙ୍କ ସହ ସାକ୍ଷାତ କରିନାହିଁ । ମହେଶ କିପରି ଓ କେଉଁ ଆଧାରରେ କହିଲେ, ଯାହା ଉପରେ ମୁଁ କମେଣ୍ଟ କରିପାରିବି ନାହିଁ । କାରଣ ମୁଁ ସବୁ କଥା ଜାଣିନାହିଁ । ସୁଶାନ୍ତ ଓ ରିଆ ଭଳି କଳାକାର ମୋ ପିଲାଙ୍କ ଭଳି । ଯାହା ବି ଘଟିଛି ସବୁ ସିବିଆଇ ପାଖରେ କହିବା ଦରକାର ।’