ମୁମ୍ବାଇ:ସରିଛି ବିଗ ବସ ଓଟିଟି ହାଉସ ଶୋ' । ଶୋ' ସରିବା ପରେ ଘରକୁ ଫେରିଛନ୍ତି ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଭଉଣୀ ଶମିତା ସେଟ୍ଟୀ । ତେବେ ଶମିତା ଘରକୁ ଆସିବା ପରେ ତାଙ୍କୁ ଗ୍ରାଣ୍ଡ ୱେଲକମ କରିଛନ୍ତି ଶିଳ୍ପା । ଏହାସହିତ ସୋସିଆଲ ମିଡ଼ିଆରେ ସେ ହାପି ରିଉନିଅନର ଫଟୋକୁ ସେୟାର କରିଛନ୍ତି ।
ରବିବାର ସାନ ଭଉଣୀ ଶମିତାଙ୍କ ସହିତ ୩ଟି ଫଟୋ ସେୟାର କରିଛନ୍ତି । ଏଥିରେ ଉଭୟ ଭଉଣୀ ବେଶ ଖୁସିଥିବା ଦେଖିବାକୁ ମିଳିଛି । ବିଗବସରେ ପ୍ରାୟ ୪୦ ଦିନ ରହିବା ପରେ ଘରକୁ ଫେରିଛନ୍ତି ଶମିତା । ଏହି ଫଟୋ ସେୟାର କରି ଶିଳ୍ପା ଲେଖିଛନ୍ତି ଯେ, "ମୋ ଟୁଙ୍କି ଘରକୁ ଫେରିଛି । ଏହି ଟାଇଟ ହଗ୍ରୁ ଶମିତା ବର୍ତ୍ତିପାରିବେ ନାହିଁ " ବୋଲି ମଧ୍ୟ ଶିଳ୍ପା କ୍ୟାପସନରେ ଲେଖିଛନ୍ତି । ଶମିତା ବିଗବସ ଓଟିଟିରେ ଜଣେ ଷ୍ଟ୍ରଙ୍ଗ କଣ୍ଟେଷ୍ଟାଣ୍ଟ ରହିଥିଲେ ।