ହାଇଦ୍ରାବାଦ: ଫେବୃଆରୀ 14, 2019ରେ ଦେଶ ସହିଥିଲା ସବୁଠାରୁ ବଡ କ୍ଷତି । ଆତଙ୍କୀ ଆକ୍ରମଣରେ 40 ଜଣ ଯବାନଙ୍କୁ ହରାଇଥିଲା ଭାରତ । ପ୍ରେମର ରଙ୍ଗରେ ମିଶିଥିଲା ଲହୁର ରଙ୍ଗ । ସେହି ଭାରତ ମାଆର ଅମର ସନ୍ତାନକୁ ଶ୍ରଦ୍ଧାଞ୍ଜଳି ଦେବ ବଲିଉଡ ।
ପୁଲୱାମା ଶହୀଦଙ୍କୁ ଶ୍ରଦ୍ଧାଞ୍ଜଳି ଦେବେ ଶାହାରୁଖ - ବଲିଉଡ
ପୁଲୱାମାର ଶହୀଦଙ୍କୁ ନେଇ ରିଲିଜ ହେବ ଟ୍ରିବ୍ୟୁଟ ଗୀତ । ଯେଉଁଥିରେ ନଜର ଆସିବେ ବି-ଟାଉନର ବିଗ ଷ୍ଟାର୍ସ ।
ଫଟୋ ସୌଜନ୍ୟ: ଇନଷ୍ଟାଗ୍ରାମ/iamsrk
ଖୁବ ଶୀଘ୍ର ରିଲିଜ ହେବା ଗୀତ ‘ତୁ ଦେଶ ମେରା’। ଏହି ଗୀତର ସୁଟିଂ ଅନେକ ଦିନ ହେବ ଚାଲିଆସୁଛି । ପ୍ରଥମେ ଅମିତାଭ ବଚ୍ଚନ, ଐଶର୍ଯ୍ୟା ରାୟ, ଟାଇଗର ଶ୍ରଫ ଏହି ଭିଡିଓ ପାଇଁ ସୁଟିଂ ସାରିଥିବା ବେଳେ ବର୍ତ୍ତମାନ କିଙ୍ଗଖାନ ଶାହାରୁଖ ସୁଟିଂ ସାରିଛନ୍ତି । ମୁମ୍ବାଇର ଏକ ଷ୍ଟୁଡିଓରେ ଗୀତ ପାଇଁ ସୁଟିଂ କରିଛନ୍ତି ଶାହାରୁଖ । ଗୀତରେ ସାମିଲ ହୋଇ ଶାହାରୁଖ ଖୁସି ଥିବା କହିଛନ୍ତି ।
ଭିଡିଓକୁ ସିଆରପିଏଅଫ ଦିବସରେ ରିଲିଜ କରାଯିବାର ଥିଲା । କିିନ୍ତୁ କୌଣସି କାରଣବଶତଃ ଏହାକୁ ଘୁଞ୍ଚାଇଦିଆଯାଇଥିଲା । ସୂଚନାଯୋଗ୍ୟ, ଭିଡିଓଟି ଆସନ୍ତାକାଲି ତଥା ଅଗଷ୍ଟ 15ରେ ରିଲିଜ କରାଯାଇପାରେ ।